គ្រូបង្វឹកក្រុមជម្រើសជាតិអង់គ្លេសលោក Gareth Southgate ហាក់ដូចជាត្រៀមខ្លួនមុនព្រឹត្តិការណ៍ World Cup ឈានចូលមកដល់ ក្នុងពេលដ៍ខ្លីខាងមុខនេះ ដោយបានចាប់ផ្តើមដាស់តឿនកូនក្រុមរបស់លោក ចាប់តាំងពីពេលនេះមក​ម្លេះ។

ជាក់ស្តែងណាស់ បើតាមការសម្ភាសន៍ជាមួយទូរទស្សន៍ ESPN គ្រូបង្វឹកក្រុមជម្រើសជាតិអង់គ្លេសលោក Gareth Southgate បានប្រាប់កូនក្រុមរបស់លោក ឲ្យតមអាហារបន្តិច ដើម្បីកុំឲ្យប៉ះពាល់ដល់សុខភាព។ ការប្រាប់ឲ្យកូនក្រុមតបអាហារនេះដែរ បានធ្វើឡើងនៅពេលអង់គ្លេសត្រៀមប្រកួត​មិត្តភាព នាចុងសប្តាហ៍នេះ ដែលលោក Gareth Southgate ចង់ឲ្យកូនក្រុមរបស់លោក បង្ហាញសក្តានុពលយ៉ាងល្អ ពោលមិនឲ្យចាញ់ការប្រកួតមិត្តភាពណាមួយឡើយ។

ម្យ៉ាងវិញទៀត លោក Gareth Southgate នឹងបន្តឲ្យកូនក្រុមរបស់លោក តមអាហារនេះ បន្តទៀតដើម្បីឲ្យកីឡាករក្នុងក្រុម រក្សាបាននូវសុខភាពល្អ អាចចូលរួមការប្រកួត World Cup បានគ្រប់គ្នា ដោយមិនភ័យខ្លាចមានអ្នកណាម្នាក់មានបញ្ហា នៅក្នុងការប្រកួតឡើយ។

ដូច្នេះហើយ នេគឺជាការដាស់តឿនយ៉ាងល្អមួយ សម្រាប់លោក Gareth Southgate ក្នុងន័យឲ្យកូនក្រុម អាចលេងបានគ្រប់គ្នា និងដើម្បីមុខមាត់ក្រុមជម្រើសជាតិអង់គ្លេសក្នុងការប្រជែងពាន World Cup ឆ្នាំនេះ។