អតីតខ្សែបម្រើដ៍ឆ្នើមរបស់ក្រុមជម្រើសជាតិអ៊ីតាលី និងក្រុមសេះបង្កង់ Juventus កីឡាក Andrea Pirlo អាចនឹងក្លាយជាគ្រូបង្វឹកក្រុមជម្រើសជាតិអ៊ីតាលី ក្នុងពេលដ៍ខ្លីខាងមុខនេះ។

ជាក់ស្តែងណាស់ បើតាមការចុះផ្សាយរបស់ Gazzetta Dello Sports ពីប្រទេសអ៊ីតាលី បានឲ្យដឹងថា ក្រុមជម្រើសជាតិអ៊ីតាលី បានសម្លឹងឃើញ អតីត​ខ្សែបម្រើដ៍ឆ្នើម Andrea Pirlo មកដឹកនាំក្រុមជម្រើសជាតិអ៊ីតាលី។ ប្រភពខាងលើនេះ បានបញ្ជាក់យ៉ាងច្បាស់ថា Pirlo កំពុងស្ថិតក្នុងបេក្ខភាព ដ៍សំខាន់មួយដែលជម្រើសជាតិត្រូវការគាត់ មកជួយក្នុងស្ថានភាពកំពយងអាប់អួរ​បែបនេះ។ ម្យ៉ាងវិញទៀតនោះ ប្រសិនបើលោក Carlo Ancelotti និងលោក Antonio Conte មិនយល់ព្រមមកកាន់ជម្រើសជាតិអ៊ីតាលីទេនោះ ច្បាស់ណាស់ Pirlo នឹងក្លាយជាគ្រូបង្វឹកជម្រើសជាតិអ៊ីតាលី ជាក់ជាមិនខានឡើយ។

ដូច្នេះហើយ Andrea Pirlo អាចនឹងទទួលបានអាជីពថ្មី​មួយទៀត ប្រសិនបើ ក្រុមជម្រើសជាតិអ៊ីតាលី ពិតជាសម្រេចចិត្តជ្រើសយកអតីត​ខ្សែបម្រើដ៍ឆ្នើមរូបនេះមែននោះ។