មានសំណួរជាច្រើន បានចោទសួរ ពីខ្សែប្រយុទ្ធវ័យក្មេង ពោរពេញទៅដោយសមត្ថភាព Paulo Dybala លេងល្អខ្លាំងណាស់ ឲ្យក្រុមសេះបង្កង់ Juventus ក៍ប៉ុន្តែ ក្រឡេកមកមើលជម្រើសជាតិអាហ្សង់ទីនវិញ កីឡាកររូបនេះ ហាក់មិនសូវមានឱកាសបានបង្ហាញវត្ត​មានឡើយ។

យ៉ាងណាវិញ បើតាមការចុះផ្សាយរបស់ កាសែត AS បានឲ្យដឹងថា Dybala មិនជាប់ជម្រើសជាតិអាហ្សង់ទីន ដោយសារតែកីឡាកររូបនេះ មានទម្រង់លេងដូចទៅនឹង​តារាឆ្នើមរាមច្បង។ ជាក់ស្តែងណាស់ Dybala ទាំងទម្រង់លេង និងរបៀបនៃការអូសបាល់ ដូចគ្នាជាមួយនឹង Lionel Messi ដែលជាកំពូល Super Star របស់ក្រុមជម្រើសជាតិអាហ្សង់ទីន។

Lionel Messi ផ្ទាល់បានប្រាប់កាសែត AS ថា៖ ក្នុងពេលដ៍ខ្លីខាងមុខនេះ Dybala នឹងក្លាយជាកីឡាករដ៍ល្អរបស់អាហ្សង់ទីន តែអ្វីដែលធ្វើឲ្យ​ពេលនេះ កីឡាករវ័យក្មេងរូបនេះ មិនជាប់ជម្រើសជាតិនោះ មិនមែនមានន័យថា ពួកយើងមិនចុះសម្រុងគ្នាឡើយ តែ​មកពីតំបន់លេងរបស់ពួកយើងដូចគ្នាពេក ជាហេតុធ្វើឲ្យ​លោក Sampaoli សម្រេចមិនជ្រើសរូបគេមកចូលរួម​ក្រុម។ យ៉ាងណាវិញ ពេលវេលា​ World Cup មិនទាន់មកដល់ឡើយ ខណ: Dybala នៅមានឱកាស​ក្នុងការមកជួយក្រុម ជម្រើសជាតិ ប្រសិនបើរូបគេនៅតែបន្តល្អបែបនេះដដែលនោះ។

ក៍ប៉ុន្តែ ក្តីសង្ឃឹមសម្រាប់ក្រុមជម្រើសជាតិ ហាក់មិនងាយស្រួល​ឡើយ ចំពោះ Dybala ដរាបណានៅមាន Lionel Messi ស្របពេលដែលអាហ្សង់ទីន ផ្តោតការចាប់អារម្មណ៍ លើ Messi ជាងជាហេតុនាំឲ្យ​ជម្រើសជាតិ ត្រូវតែយកមួយ ចោលមួយ ហើយរើសកីឡាករផ្សេង កុំឲ្យជាន់រ៉ូលលេងគ្នា។