ការស៊ុតបាល់បកក្រោយរបស់កំពូលខ្សែប្រយុទ្ធវ័យ ៣៣ឆ្នាំ Cristiano Ronaldo លើក្រុមសេះបង្កង់ Juventus កាលពីយប់ថ្ងៃអង្គរកន្លងមកនេះ ពិតជាធ្វើឲ្យមានការភ្ញាក់ផ្អើលយ៉ាងខ្លាំង ក្នុងពិភពបាល់ទាត់ ស្របពេលដែលមាន​កីឡាករមួយចំនួន បានយកគ្រាប់បាល់យ៉ាងអស្ចារ្យនេះ ទៅប្រៀបធៀប ជាមួយ​នឹង​ការស៊ុតរបស់ពួកគេវិញផងដែរ។

បន្ទាប់ពី Zlatan Ibrahimovic បានប្រៀបធៀបថា បាល់ស៊ុតបកក្រោយរបស់ Ronaldo នៅចាញ់ការស៊ាុតរបស់គាត់ កាលប៉ះជាមួយអង់គ្លេសនោះ នៅពេលនេះ អតីតមិត្តរួមក្រុមកាលពីនៅក្រុមបីសាចក្រហម Manchester United គឺខ្សែប្រយុទ្ធអង់គ្លេស Wayne Rooney បានយកគ្រាប់បាល់របស់ Ronaldo មកប្រៀបធៀបដែរ។

Rooney បានឲ្យដឹងតាម ESPN reports ថា៖ គ្រាប់បាល់របស់ Ronaldo ពិតជាអស្ចារ្យខ្លាំងណាស់ នាពេលបច្ចុប្បន្ននេះ តែបើប្រៀបធៀប ជាមួយគ្រាប់បាល់របស់គាត់​ កាលពីឆ្នា ២០១១ ក្នុងជំនួបជា​មួយ​ក្រុម Manchester City នោះ គឺល្អជាងគ្នាប៉ុន្មានឡើយ។ អតីតខ្សែប្រុទ្ធឆ្នើមរូប​នេះ បានឲ្យដឹងទៀតថា ថ្វីបើការស៊ុតមានលក្ខណៈស្រដៀងគ្នាមែន ហើយកម្រមាន​កីឡាករណាម្នាក់អាចធ្វើបាន តែសម្រាប់ខ្ញុំ នៅតែគិតថា គ្រាប់បាល់របស់ Ronaldo នៅតែចាញ់គ្រាប់បាល់ស៊ុតរបស់ខ្ញុំ​ដដែល។

កីឡាករគ្រប់រូប សុទ្ធតែ​មានបច្ចេកទេសផ្សេងៗគ្នា ចំពោះ ការស៊ុតបកក្រោយវិញ គឺមិនមែនអាចធ្វើបាន​ឡើយ Ronaldo អាចធ្វើបានយ៉ាងល្អ យើងសង្ឃឹមថា នឹងមានកីឡាករជាច្រើនទៀត អាចធ្វើបនល្អជាងនេះទៀត នៅពេលខាងមុខនេះ។