Post News Media ព័ត៌មានកីឡា ក្រោយត្រូវជ្រ...

ក្រោយត្រូវជ្រុះចេញពី Champin League ក្លិបអ្នកមានបុណ្យចាប់ផ្តើមរករឿងគ្រូ

បន្ទាប់ពីជ្រុះចេញពីក្របខណ្ឌ UEFA Champion League ត្រឹមវគ្គ ៨ ក្រុមចុង​ក្រោយក្រោមថ្វីជើងក្រុម Roma សឹងមិនគួរឲ្យជឿរួចមក ប្រធានក្លិប Barcelona លោក Josep Batomeu នឹងមិនធានាចំពោះអនាគត់របស់គ្រូបង្វឹកលោក Ernesto Valverde នារដូចកាលក្រោយឡើយ។

ថ្វីបើលោក Ernesto Valverde ធ្វើបានយ៉ាងល្អ នៅ Laliga រដូវកាលនេះ ដោយមិនទាន់ដឹកនាំក្រុម Barcelona ឲ្យស្គាល់រសជាតិចាញ់ ក៍ពិតមែន តែ​ក្រោយការធ្លាក់ចេញពី Champion League ក្រោមថ្វីជើង Roma បានធ្វើឲ្យ​ប្រធានក្លិប Barcelona ហាក់មិនសប្បាយចិត្តឡើយ។ ជាក់ស្តែងណាស់ បើតាម​ការចុះផ្សាយរបស់ Euro Sports បានឲ្យដឹងថា លោក Josep Batomeu អាចនឹងបណ្តេញលោក​ Ernesto Valverde ចេញ នាបញ្ចប់រដូវកាលនេះ ក៍ថា​បាន។

ការជ្រុះចេញពី Champion League ទាំងមិនគួរឲ្យជឿនេះដែរ ពិតជាធ្វើ​ឲ្យក្រុម Barcelona រងភាពអាម៉ាស់យ៉ាងខ្លាំង ព្រោះថា កាលពីជើងទី១ កន្លងមក Barcelona បានលុត Roma ដល់ទៅ ៤-១ តែបែរជាមកបរាជ័យនៅទឹកដី Roma ដល់ទៅ ៣-០ វិញ ជាហេតុធ្វើឲ្យ Barcelona ជ្រុះចេញយ៉ាងអាម៉ាស់​បំផុត ដូចដែលពួកគេធ្លាប់ធ្វើដាក់ក្រុម Paris Saint Germain កាលពីរដូវកលមុន។

យ៉ាងណាវិញ ប្រធានក្លិបBarcelona រូបនេះ នៅរង់ចាំមើល លោក Velverde បន្តទៀតសិន ចំពោះពាន Laliga និង Copa dey Rey ខណ: Laliga មិនបារម្ភឡើយ ដោយរង់ចាំអ៊ុត Copa dey Rey ១ ទៀត ដែលត្រូវផ្តាច់​ព្រ័ត្រជាមួយ Sevilla ប្រសិនបើរបូតពាននេះទៀត ប្រហែលជាអនាគត់របស់​លោក Ernesto Valverde មិនគង់វង្សឡើយ នារដូវកាលក្រោយនេះ។