ក្រោយពីរកឃើញ ក្រុមជើងខ្លាំងទាំង៤ ដែលត្រូវប្រជែងគ្នាដណ្តើមយកពានរង្វាន់ UEFA Champion League រួចមក នៅល្ងាចនេះ ខាង UEFA នឹងធ្វើការចាប់​ឆ្នោត ស្វែងរកក្រុមដែលត្រូវជួបគ្នា នៅវគ្គពាក់កណ្តាលផ្តាច់ព្រ័ត្រហើយ។

នេះគឺជាការង់ចាំអ៊ុតមើលរបស់អ្នកគាំទ្រក្រុមបាល់ទាត់ទាំង៤ ទាំងអស់នៅជុំវិញ​ពិភពលោក ដើម្បីចង់ដឹងថា តើក្រុមដែលជា Idol របស់ពួកគេត្រូវជួបក្រុមណា នាវគ្គពាក់កណ្តាលផ្តាច់ព្រ័ត្រនេះ។ យ៉ាងណាវិញ សម្រាប់ក្រុម Real Madrid ប្រហែលជាក្រុម Bayern Munich, Roma និង Liverpool មិនមានបំណងចង់ជួបក្រុមយក្សអេស្ប៉ាញមួយនេះ នៅវគ្គនេះឡើយ ព្រោះថា Real Madrid គឺជាក្រុមខ្លាំង មានកីឡាករល្អៗច្រើន ប្រៀបដូចជាស្តេចត្រាញ់ នៅ Champion League នេះអ៊ីចឹង ម្យ៉ាងក្រុមយក្សអេស្ប៉ាញមួយនេះ គឺជាក្រុម​ការពារជើងឯកចាស់ផងដែរ។

ក៍ប៉ុន្តែ សម្រាប់ Bayern Munich វិញក៍មិនណយដែរ ក្រុមអាឡឺម៉ង់មួយនេះ មានទម្រង់លេងយ៉ាងល្អ ហើយតែងតែ មានប្រវត្តិល្អនៅ Champion League ផងដែរ ក្រៅពី Real Madrid និង Barcelona ក្រុម Bayern Munich ដូចជាគ្មានក្រុមណាមួយងាយទម្លាក់ពួកគេ​បានឡើយ។ ចំណែកក្រុមហង្សក្រហម Liverpool វិញ ក៍មិនអាចមើលងាយបាន​ឡើយ ព្រោះថាការវិលមកកាន់ Champion League របស់ក្រុមអង់គ្លេសមួយ​នេះ បានធ្វើឲ្យពិភពលោក មានការភ្ញាក់ផ្អើលយ៉ាងខ្លាំង ជាពិសេសនោះ ការទម្លាក់ក្រុមខ្លាំង Manchester City នៅវគ្គ៨ក្រុមចុងក្រោយកន្លងមក ដែលពួកគេ។

រីឯក្រុមចចក Roma របស់អ៊ីតាលីវិញ ក៍មិនធម្មតាដែរ ព្រោះថាពួក​គេ បានទម្លាក់ក្រុមខ្លាំងបំផុតក្នុងពិភពលោក Barcelona កាលពីវគ្គ ៨ក្រុមកន្លង​មកនេះ ដែលធ្វើឲ្យមានការភ្ញក់ផ្អើលយ៉ាងខ្លាំងពីសំណាក់អ្នកទស្សនាបាល់ទាត់​ទូទាំងពិភពលោក។ យ៉ាងណាវិញ Real Madrid នៅតែក្រុម ដែលមានភាគរយ​ឈ្នះពាន Champion League ច្រើនជាងគេដដែល ដោយសារតែវគ្គ ១៦ក្រុម​បានទម្លាក់​ ក្រុមខ្លាំង Paris Saint Germain ហើយបន្តមកទម្លាក់ក្រុមសេះបង្កង់ Juventus នៅវគ្គ ៨ក្រុមទៀត ក៍ប៉ុន្តែ Bayern Munich, Roma និង Liverpool ក៍មិនអាចមើលរំលងបានឡើយ ព្រោះបាល់មូល វាអាចប្រែប្រួលបានគ្រប់ពេល។

តោះ! ចូលរួមទស្សទាយទាំងអស់គ្នា តើក្រុមណាមួយដែលត្រូវជួបគ្នាវគ្គពាក់​កណ្តាលផ្តាច់ព្រ័ត្រនេះ៖