Post News Media ព័ត៌មានកីឡា Ronaldo ស៊ុតត...

Ronaldo ស៊ុតតាមស្មើឲ្យ Real Madrid នៅចុងម៉ោង

Real Madrid ហាក់ធ្វើមិនបានល្អឡើយ ក្នុងការប្រកួតយប់មិញនេះ ថ្វីបើមានការវាយលុកយ៉ាងខ្លាំងក្លាយ៉ាងណាក៍ដោយ ក៍ក្រុមយក្សអេស្ប៉ាញមួយ​នេះ មិនអាចយកឈ្នះលើក្រុម Athletico Bilbao បានដែរ។

ក្រុមអធិរាជស Real Madrid ឆិតរបូតពិន្ទុ នៅក្នុងសប្តាហ៍ទី៣៣ នេះ បន្ទាប់ពីត្រូវបានក្រុមភ្ញៀវស៊ុតនាំមុខមុន ខណ: Real ​ទម្រាំរកគ្រាប់បាល់បានវិញ​នោះ ត្រូវរង់ចាំដល់ជិតចប់ការប្រកួត។ ជាក់ស្តែងណាស់ Athletico Bilbao ស៊ុតនាំ​មុខមុនតាំងពីនាទីទី១៤ ដោយកីឡាករ Inaki Williams ជាហេតុធ្វើឲ្យក្រុម Real Madrid កាន់តែបង្កើតការវាយលុកដើម្បីរកគ្រាប់បាល់មកវិញ។

តាំងពីវគ្គទី១ រហូតដល់វគ្គទី២ Real Madrid បានព្យាយាមវាយលុកមិនសំចៃដៃ​ តែហាក់​មិន​ទទួលបានលទ្ធផលឡើយ។ យ៉ាងណាវិញ រហូតដល់នាទីទី ៨៧ ក្រុមម្ចាស់ផ្ទះ អាចធ្វើបានសម្រេចនូវគ្រាប់បាល់ស្មើមកវិញ តាមរយ:ការស៊ុតបញ្ចូលទីរបស់​កីឡាករឆ្នើម Cristiano Ronaldo ដោយការបញ្ជូនបាល់យ៉ាងល្អ ពីសំណាក់​ខ្សែបម្រើ Luka Modric ។

ថ្វីបើមិនអាចយក ៣ ពិន្ទុបាន តែ Real Madrid អាចរកបាន ១ ពិន្ទុ ក្នុងដីខ្លួនឯង​នៅសប្តាហ៍នេះ ដែលស៊ុតបានសម្រេចនៅចុងម៉ោងទៅហើយ របស់ Ronaldo ខណ: Real នៅមានភារកិច្ចធ្ងន់ធ្ងរមួយទៀត នៅ Champion League ៕