Post News Media ព័ត៌មានកីឡា មើលរូបនេះ បាន...

មើលរូបនេះ បានដឹងថា Ronaldo លោតខ្ពស់ប្រហែល​អ្នកចាំទី (វីដេអូ)

កំពូលខ្សែប្រយុទ្ធវ័យ៣៣ឆ្នាំ Cristiano Ronaldo ពិតជាមិនធម្មតាឡើយ មិនត្រឹមតែធ្វើឲ្យមានការភ្ញាក់ផ្អើល ក្នុងការលោតបកក្រោយបានខ្ពស់នោះទេ បើនិយាយពីការលោតតែតបាល់របស់កីឡាកររូបនេះវិញ គឺចង់ខ្ពស់ជាងការលោតចាប់បាល់របស់អ្នកចាំទីទៅទៀត។

បើទោះបីជាមានវ័យរាងជ្រេបន្តិចមែន តែទេពកោសល្យរបស់ ខ្សែប្រយុទ្ធអន្តរជាតិ ពរទុយហ្គាល់ Cristiano Ronaldo នៅតែល្អ និងមិនទាន់មានកីឡាកររូបណា​អាចធ្វើបានដូចឡើយ។ ជាក់ស្តែងណាស់ រូបថតដែលថតបាន ក្នងជំនួបជាមួយក្រុម Athletico Bilbao នាពេលថ្មីៗនេះ បានបង្ហាញឲ្យឃើញថា Ronaldo លោតចង់ខ្ពស់ជាងការលោតចាប់បាល់របស់អ្នកចាំទី​ Kepa Arrizabalaga ទៅទៀត។ ខ្សែប្រយុទ្ធមុតស្រួចរូបនេះ អាចលោតបានដល់ទៅ ២,៨៧ ម៉ែត្រ ពោលគឺអាចលោតហើបពីដីបាន​ ១ម៉ែត្រ តាមអ្វីដែលគេអាចធ្វើបាននាពេលកន្លងមក។

ការលោតខ្ពស់បែបនេះហើយ ជាហេតុអំណោយផងយ៉ាងល្អ សម្រាប់ Cristiano Ronaldo ក្នុងការក្លាយជាកីឡាករដែលតែតបញ្ចូលទីច្រើនជាងគេបំផុត ក្នុងពិភពលោក នាពេលបច្ចុប្បន្ននេះ។