Post News Media ព័ត៌មានកីឡា Balotelli ផ្ញ...

Balotelli ផ្ញើសារលាអ្នកគាំទ្របារាំង

អតីតខ្សែប្រយុទ្ធឆ្នើមជម្រើសជាតិអ៊ីតាលី Mario Balotelli បានផ្ញើសារលាអ្នកគាំទ្ររបស់ក្រុម Nice ហើយ បន្ទាប់ពីកីឡាករស្បែកខ្មៅរូបនេះ សម្រេចចិត្តចាក​ចេញពីបារាំងនៅរដូវកាលក្រោយនេះ។

បើតាម Telegram ដែលខ្សែប្រយុទ្ធអ៊ីតាលី Mario Balotelli បានសរសេរនាពេលកន្លងមកនេះ បានឲ្យដឹងថា រូបគេនឹងចាកចេញពីក្រុម Nice ត្រឡប់មកកាន់អ៊ីតាលីវិញ។ ក្នុងសារតាម Telegram នោះដែរ Balotelli បានសរសេរថា៖ ខ្ញុំពិតជាអរគុណខ្លាំង​ណាស់ចំពោះអ្នកគាំទ្រនៅទីនោះ ក៍ដូចជាក្លិបទាំងមូល ដែលបានគោរព និងស្រលាញ់រូបខ្ញុំ, ខ្ញុំពិតជាចូលចិត្តទី​នេះយ៉ាងខ្លាំង ព្រោះថាមានអ្នកគាំទ្រ និងក្លិបតែងផ្តល់​កម្លាំងចិត្តឲ្តខ្ញុំ, តែខ្ញុំមិនអាចបន្តនៅទីនេះបានទៀតឡើយ ខ្ញុំចង់វិលទៅប្រទេសកំណើតវិញ។

ជាការពិតណាស់ Balotelli កំពុងតែទទួលបានការចាប់​អារម្មណ៍ពីសំណាក់ក្លិបធំៗនៅអ៊ីតាលី មានទាំង Inter Milan, AC Milan និង Roma សុទ្ធប្រជែងគ្នាចង់បាន ខណនៅអង់គ្លេសឯណោះវិញ Liverpool ក៍បង្ហាញចេទនា ចង់បានខ្សែប្រយុទ្ធអ៊ីតាលីរូបនេះផង​ដែរ។