ក្រុមកាំភ្លើងធំ Arsenal គឺជាក្រុមបាល់ទាត់មួយនៅអង់គ្លេសដែលកម្រចំណាយ​លុយច្រើនក្នុងការទិញកីឡាករណាស់ ខណ:ក្លិបមួយនេះ ចូលចិត្តនាំយកយុវជន​ក្មេងៗ មានតម្លៃថោកមកបណ្តុះបណ្តាល ហើយលក់ចេញវិញ ក្នុងតម្លៃថ្លៃគួរសម។

បើតាមការចុះផ្សាយរបស់ The Goal បានឲ្យដឹងថា​ ក្រុមកាំភ្លើងធំ Arsenal ពិតជាមានការសោកស្តាយយ៉ាងខ្លាំង ដែលពួកគេមានឱកាសនាំយក Cristiano Ronaldo ទៅហើយនោះ បែរជាមិនអាចយកបានវិញ បែរជាទុកកាសឲ្យ Man Utd យកបានទៅវិញ។ ជាការពិតណាស់ កាលពីឆ្នាំ ២០០៣ Arsenal ក៍បាន​ប្រជែងជាមួយ Man Utd ក្នុងការទិញ Ronaldo ដែរ ក៍ប៉ុន្តែ កាលនោះក្លិបមិនហ៊ានចំណាយលុយត្រឹម ១២លានផោនប៉ុណ្ណោះ ជាហេតុធ្វើឲ្យរបូតកីឡាកររូបនេះធ្លាក់លើដៃក្រុមបីសាចក្រហម Manchester United ។

យ៉ាងណាវិញ មកទល់ពេលបច្ចុប្បន្ននេះ Cristiano Ronaldo កំពុងក្លាយជាកីឡាករល្អបំផុតក្នុងពិភពលោក ដែលបានសាងកំណត់ត្រាជាច្រើន​ក្នុងពិភពបាល់ទាត់ រួមទាំងការជួយក្លិបដែលមានវត្តមានរបស់គេនោះ ឈ្នះពាន​ជាច្រើនផងដែរ។