ក្រុមបាល់ទាត់ អគ្គិសនីកម្ពុជា ដែលមានតែកីឡារក្នុងស្រុកសុទ្ធ បានយកឈ្នះលើក្រុមម្ចាស់ផ្ទះ វេស្ទើនភ្នំពេញ ដោយលទ្ធផល ២ទល់០ នៃជំនួបសប្តាហ៍ទី៦ ក្របខណ្ឌកំពូលកម្ពុជា រដូវកាល ២០១៨ នៅរសៀលថ្ងៃមិញ។

គ្រាប់បាល់បំប៉ោងសំណាញ់ទី ២គ្រាប់ របស់កីឡារ ផាន់នី អុីរដ្ឋា នឹងកីឡាករ ជិន ជុំ បានធ្វើឲ្យក្រុម អគ្គិសនីកម្ពុជា ស្គាល់ជ័យជម្នះលើកដំបូង ក្រោយពីបង្ហាញខ្លួន ៦ លើកកន្លងមកនេះ ខណៈដែលម្ចាស់ផ្ទះ វេស្ទើនភ្នំពេញ បន្តចាញ់ទាំង ៦ ប្រកួត៕