Post News Media ព័ត៌មានកីឡា ប៊ែលហ្ស៊ិក ស៊...

ប៊ែលហ្ស៊ិក ស៊ុតមិនទុកមុខឲ្យប៉ាណាម៉ា

ក្រុមជម្រើសជាតិប៊ែលហ្ស៊ុក បានក្លាយជាក្រុមអឺរ៉ុបទី២ ហើយ​បន្ទាប់ពីម្ចាស់ផ្ទះរុស្ស៊ី ដែលបានបើកឆាកយកឈ្នះលើគូបដិបក្ខយ៉ាងដាច់គ្រាប់បាល់បែបនេះ ពោលគឺ​បានយកឈ្នះក្រុមប៉ាណាម៉ា ក្នុងលទ្ធផល ៣-០ ។

ប៊ែលហ្ស៊ិក ពិតជាមិនធ្វើឲ្យអ្នកគាំទ្រខកបំណងឡើយ​ ក្រុមជើងខ្លាំងមកពីតំបន់​អឺរ៉ុបមួយនេះ បានបំបាក់ក្រុមមកពីតំបន់អាមេរិកកណ្តាលប៉ាណាម៉ា ក្នុងលទ្ធផល​ចាស់ដៃ ៣-០ ។ ៣គ្រាប់របស់ប៊ែលហ្ស៊ិក ស៊ុតបញ្ចូលទីបានសម្រេចដោយ ខ្សែប្រយុទ្ធក្រុម Napoli កីឡាករ Dries Mertens នៅនាទីទី៤៧និង២គ្រាប់​ផ្សេងទៀតរកបានដោយខ្សែប្រយុទ្ធ ក្រុមបីសាចក្រហម Manchester United កីឡាករ Romelu Lukaku នៅនាទីទី៦៩ និងនាទីទី៧៥។ តាមរយ:លទ្ធផល​នេះដែរ បានធ្វើឲ្យប៊ែលហ្ស៊ិក ឈរកំពូលតារាង ពូល G បណ្តោះអាសន្នសិន មាន ៣ពិន្ទុស្មើអង់គ្លេស តែ មានគ្រាប់បាល់ស៊ុតបញ្ចូលទី ច្រើនជាងអង់គ្លេស​។

ដូច្នេះហើយ សម្រាប់ពូល G នេះដែរ អង់គ្លស និងប៊ែលហ្ស៊ិក បានបើកឆាកឈ្នះ​ការប្រកួតដូចគ្នា ខណ:ក្រុមទាំង២ នេះសុទ្ធសឹងរំពឹងបានឡើងទៅកាន់វគ្គ ១៦ក្រុម​ចុងក្រោយបន្តទៀត ដូចៗគ្នា។

Loading...