ក្រុមសាម៉ូរ៉ៃជប៉ុន គឺជាក្រុមអាស៊ីតែមួយគត់ ដែលមិនទាន់ស្គាល់ចាញ់នៅឡើយទេ​ក្នុងការបង្ហាញខ្លួនបាន២ប្រកួត នាព្រឹត្តការណ៍ World Cup ក្រោយពីបើកឆាក​យកឈ្នះកូឡុំប៊ី និងបន្តស្មើក្រុមខ្លាំងសេណេហ្គាល់យប់មិញនេះទៀត។

យ៉ាងណាវិញ លទ្ធផលប្រសើរដែលជប៉ុន ទទួលបាននេះ នៅមិនទាន់សុវត្ថិភាព​ទាំង​ស្រុងឡើយ សម្រាប់ក្រុមមកពីតំបន់អាស៊ីមួយនេះ ដោយត្រូវរង់ចាំអ៊ុតមើល​ការប្រកួតចុងក្រោយជាមួយប៉ូឡូញសិន។ ជប៉ុន មិនត្រូវចាញ់ឡើយ ក្នុងការប្រកួត​ក្រោយនេះ ពួកគេធ្វើយ៉ាងណា អាចទប់បានត្រឹមស្មើក៍ឡើងដែរ​ ក៍ប៉ុន្តែ ប្រសិនបើ សេណេហ្គាល់ ឈ្នះកូឡុំប៊ីវិញនោះ ជប៉ុនចាញ់ក៍ឡើងដែរ។ បើទោះបីជាយ៉ាងនេះក្តី ជប៉ុនត្រូវតែធ្វើឲ្យបានល្អ ពេលជួបប៉ូឡូញ ព្រោះថា ដើម្បីធានាកៅអី វគ្គ ១៦ក្រុមចុងក្រោយនោះ ជប៉ុន មិនអាចធ្វើឲ្យមានការថ្លោះធ្លយ​បានឡើយ។ ចំណែកកូឡុំប៊ី និងសេណេហ្គាល់វិញ ក៍ដូចគ្នាដែរ ត្រូវការឈ្នះរៀងខ្លួន បើស្មើគ្នា សេណេហ្គាល់ឡើង ខណ:កូឡុំប៊ី ត្រូវអ៊ុតមើល​លទ្ធផលរបស់ជប៉ុនបន្តទៀត។

ដូច្នេះហើយ ក្រុមជម្រើសជាតិជប៉ុន គឺជាក្រុមអាស៊ី តែមួយគត់ ដែលមិនទាន់ស្គាល់ចាញ់នៅឡើយទេ ព្រមទាំងមានឱកាសច្រើន​ ដើម្បីឡើងទៅ​កាន់វគ្គបន្តទៀតផងដែរ។

ខាងក្រោមនេះ ជាពិន្ទុបណ្តោះអាសន្នក្នុងពូល H៖
សេណេហ្គាល់ ៤ពិន្ទុ
ជប៉ុន ៤ពិន្ទុ
កូឡុំប៊ី ៣ពិន្ទុ
ប៉ូឡូញ ០ពិន្ទុ

https://www.youtube.com/watch?v=-uKaxmsHmos

https://www.youtube.com/watch?v=F8Ok1FIIuHE