Post News Media ព័ត៌មានកីឡា Mbappe លេចធ្ល...

Mbappe លេចធ្លោខ្លាំងក្នុងជំនួបជាមួយអាហ្សង់ទីន

ក្រុមជម្រើសជាតិបារាំង បានបន្តឡើងទៅកាន់វគ្គ ៨ក្រុមចុងក្រោយហើយ ក្រោយ​យកឈ្នះក្រុមអាហ្សង់ទីន ៤-៣ នាវគ្គ ១៦ក្រុមចុងក្រោយនេះ ខណ:ខ្សែបរយុទ្ធវ័យ​ក្មេង Kylian Mbappe របស់ក្រុម Paris Saint Germain បង្ហាញភាពលេចធ្លោយ៉ាងខ្លាំង ក្នុងការប្រកួតនេះ។

ជាក់ស្តែងណាស់ Kyian Mbappe បានធ្វើឲ្យពិភពលោក មានការភ្ញាក់ផ្អើល​យ៉ាងខ្លាំងជាមួយ សមត្ថភាព របស់កីឡាកររូបនេះ ក្នុងជំនួបជាមួយអាហ្សង់ទីន យប់និញនេះ តាមរយ:ការបង្ហាញខ្លួនយ៉ាងល្អឥតខ្ចោះ ឲ្យក្រុមជម្រើស​ជាតិបារាំង។ Kylian Mbappe ពិតជាសាកសមជាកីឡាករវ័យក្មេង ពោរពេញទៅ​ដោយាមត្ថភាព និងទេពកោសល្យមែន មិនត្រឹមស៊ុត២គ្រាប់ឲ្យបារាំងយប់មិញ​ឡើយ កីឡាកររបស់ក្រុម Paris Saint Germain រូបនេះ បានបង្កឲ្យមានបាល់ ១១ម៉ែត្រ ឲ្យក្រុមជម្រើសជាតិ តាមរយ:ការអូសបាល់តាំងពីលើដំបូលទូករបស់​បារាំងហូតទៅដល់ ក្នុងប្រអប់គ្រោះថ្នាក់របស់អាហ្សង់ទីនផងដែរ។ ថ្វីដ្បិតតែនេះ គឺជាការបង្ហាញខ្លួនលើកដំបូងឲ្យក្រុមជម្រើសជាតិ បារាំង ក្នុងព្រឹត្តិការណ៍ធំបែបនេះ​មែន តែ Kyian Mbappe ធ្វើបានល្អណាស់ ដោយស៊ុតបាន ៣គ្រាប់ហើយ សម្រាប់ការបង្ហាញខ្លួន បាន៤ប្រកួតនៅ World Cup ដែលនេះបង្ហាញឲ្យឃើញថា ​កម្រមានកីឡាករវ័យក្មេងរូបណាអាចធ្វើបានដូច Mbappe ឡើយ។

ហេតុនេះហើយកីឡាករវ័យ ១៩ឆ្នាំរូបនេះ នៅមិនទាន់អស់ឱកាសបង្ហាញសមត្ថភាព​នៅ​ឡើយទេ ខណ:ការប្រកួតវគ្គ ៨ក្រុមចុងក្រោយ បារាំងត្រូវជួបអ៊ុយរ៉ាហ្គាយ ដែលជាឱកាសបន្តទៀត សម្រាប់ Mbappe ក្នុងការសាងប្រវត្តិសាស្ត្រក្នុងពិភព​បាល់ទាត់។