Post News Media ព័ត៌មានកីឡា De Gea មិនមែន...

De Gea មិនមែនជាអ្នកចាំទីល្អបំផុតរបស់អេស្ប៉ាញឡើយ

បន្ទាប់ពីជ្រុះចេញ ពីព្រឹត្តិការណ៍ World Cup ត្រឹមវគ្គ ១៦ក្រុមចុងក្រោយ បានធ្វើឲ្យមានការលើកឡើងជាច្រើន ពីអ្នកចាំទីដៃស្អិត Devid De Gea ទាក់ទងនឹងការបង្ហាញខ្លួនឲ្យក្រុមជម្រើសជាតិអេស្ប៉ាញ។

ជាក់ស្តែងណាស់ អតីតវីរបុរសដែលជួយឲ្យអេស្ប៉ាញឈ្នះពាន World Cup កាលពីឆ្នាំ ២០១០ កីឡាករ David Villa បានថ្លែងប្រាប់អ្នកសារពត៌មានថា David De Gea នៅមិនទាន់មានកម្រិតល្អដល់អ្នកចាំទីជើងចាស់អេស្ប៉ាញមួយរូបឡើយ​​ គឺ Iker Casillas ។ David Villa បាននិយាយថា៖ De Gea បានសាងកំហុសតាំងពី ប្រកួតជាមួយពរទុយហ្គាល់មកម្លេះ ខណ:ការទាត់បាល ១១ម៉ែត្រ ចាញ់រុស្ស៊ីនេះដែរ ប្រសិនបើជា Iker Casillas វិញ អេស្ប៉ាញនឹងទទួលបានលទ្ធផល ប្រសើរជាងនេះ ព្រោះថា Casillas គាត់ល្អណាស់ ជាពិសេសការសង្រ្គោះបាល់ ១១ម៉ែត្រ គាត់តែងតែធ្វើបានគ្រប់ការ​ប្រកួត ជាពិសេសគឺការប្រកួតសំខាន់ៗបែបនេះ។ កីឡាករដែលរកបាន ៥គ្រាប់​កាលពី World Cup ២០១០ រូបនេះ បានបន្ថែមទៀតថា៖ De Gea មានសមត្ថភាពល្អ នៅពេលដែលគាត់លេងជាមួយក្លិបបាល់ទាត់អាជីព ក៍ប៉ុន្តែ សម្រាប់ជម្រើសជាតិវិញ នៅមិនទាន់ល្អឡើយ គាត់ពិតជាសោកស្តាយ ដែល​អេស្ប៉ាញ ត្រូវធ្លាក់ត្រឹមនេះ។

យ៉ាងណាវិញ David Villa មិនបានបន្ទោសទៅលើ Devid De Gea ឡើយ លោកគ្រាន់តែធ្វើការប្រៀបធៀបជាមួយ Iker Casillas ប៉ុណ្ណោះ អ្វីដែលសំខាន់ World Cup នៅរុស្ស៊ីឆ្នាំនេះ មានរឿងរ៉ាវជាច្រើន ដែលត្រូវនិយាយគ្នា នៅចប់ព្រឹត្តិការណ៍នេះ។

Loading...