Post News Media ព័ត៌មានកីឡា PSG ដាក់តម្លៃ...

PSG ដាក់តម្លៃ ២៧០លានអឺរ៉ូទិញ Coutinho

ក្រុមសេដ្ឋីបារាំង Paris Saint Germain នៅតែចំណាយលុយច្រើនដដែល ក្នុង​ការទិញកីឡាករបន្ថែម ខណ:ក្លិបយក្សបារាំងមួយនេះ មានមហិច្ចតាចង់ឈ្នះ Champion League ចាំបាច់បំផុត។

បើតាមការចុះផ្សាយរបស់ Mundo Deportivo ពីប្រទេសអេស្ប៉ាញបានឲ្យ​ដឹងថា ក្រុម Paris Saint Germain នឹងទិញយកខ្សែបម្រើប្រយុទ្ធប្រេស៊ីល Philippe Coutinho ដើម្បីយកទៅចាប់ដៃគូជាមួយ Neymar នៅរដូវកាល​ក្រោយ។ ក្នុងនោះដែរ ក្រុម Paris Saint Germain បានត្រៀមលុយរហូតដល់​ទៅ ២៧០លានអឺរ៉ូ ដើម្បីទិញ Coutinho ពីក្រុម Barcelona ដែលនេះគឺជាតម្លៃ​ដ៍ថ្លៃបំផុតមួយរបស់ក្រុម ជើងឯកបារាំងមួយនេះ ប្រសិនបើអាចទិញយកបានមែន​នោះ។ ការធ្វើបែបនេះ វាក៍ជាហេតុផលមួយ សម្រាប់ PSG ក្នុងការលួងចិត្ត Neymar កុំឲ្យចាកចេញផងដែរ ព្រោះថា ក្រុម Real Madrid តាមប្រមាញ់​មិន​ល្អៀងចិត្តឡើយ ដែលតម្រូវឲ្យ Paris Saint Germain ត្រូវតែពង្រឹងក្លិបបន្ថែម​ទៀត។

ដូច្នេះហើយ ក្រុម Paris Saint Germain នឹងទិញកីឡាករ Philippe Coutinho ក្នុងតម្លៃ ២៧០លានអឺរ៉ូ នារដូវក្តៅនេះ ដើម្បីយកមកចាប់ដៃគូជាមួយ Neymar ។