ថ្វីបើមានសញ្ជាតិខុសគ្នា តែលេងជាមួយគ្នា ក្នុងនាមជាមិត្តរួមក្រុម នៅ Real Madrid ក្តី តែរវាង Cristiano Ronaldo និង Marcelo ត្រូវបានគេមើលឃើញ​ថា កីឡាករទាំង២រូបនេះ គឺជាមិត្តជិតស្និត និងជាមិត្តយល់ចិត្គគ្នាបំផុត ក្នុងអាជីព​បាល់ទាត់។

ក្នុងនោះដែរ បើតាមការចុះផ្សាយរបស់កាសែត AS បានឲ្យដឹងថា ក្រោយពីទទួល​ជោគ​ជ័យ ចុះកុងត្រាផ្លូវការណ៍ ជាមួយកំពូលខ្សែប្រយុទ្ធ Cristiano Ronaldo ក្រុមសេះបង្កង់ Juventus មានគម្រោងនាំយក ខ្សែការពារស្លាបប្រេស៊ីល Marcelo ពីក្រុម Real Madrid ទៀត។ ជាការពិតណាស់ Marcelo គឺជាកីឡា​ករ ដែលលេងបាល់ត្រូវជើងគ្នា ជាមួយ Ronaldo ណាស់ ខណៈកនលងមកនេះ កីឡាករ២រូបនេះ បានធ្វើព្យុះភ្លៀងជាមួយ Real Madrid រហូតទទួលបានជោគ​ជ័យយ៉ាងច្រើន គួរឲ្យកត់សម្គាល់។ ម្យ៉ាងវិញទៀត តាមរយៈការចាកចេញរបស់ Ronaldo នេះដែរ ទំនងជាមិនអាចធ្វើឲ្យ Marcelo បន្តក្រាញននៀល ជាមួយ Real Madrid ទៀតឡើយ ខណៈ Juventus នឹងបើយុទ្ធនារណ៍ តាមប្រមាញ់ Marcelo មកចាប់ដៃគូជាមួយ Ronaldo នៅអ៊ីតាលីទៀត។

ដូច្នេះហើយ ដំណើរចាកចេញរបស់ Cristiano Ronaldo ពី Real Madrid អាចធ្វើឲ្យ Marcelo តាមមកជាមួយដែរ​ ជាពិសេសនោះ នៅពេលដែល Alex Sandro ចាកចេញពី Juventus នោះ ជាពេលដែលសាកសមបំផុត សម្រាប់ Marcelo បន្តចាប់ដៃគូជាមួយ Ranaldo នៅ Juventus ។