Post News Media ព័ត៌មានកីឡា វត្តមាន Ronal...

វត្តមាន Ronaldo ធ្វើឲ្យ Higuain សម្រេចចិត្តចាកចេញ

បន្ទាប់ពីកំពូលខ្សែប្រយុទ្ធ Cristiano Ronaldo បានចុះកុងត្រា ជាមួយក្រុម​សេះបង្កង់ Juventus រួចមក បានធ្វើឲ្យក្លិបក៍ដចជាអ្នកគាំទ្រ មានការសាទរ​យ៉ាង​ខ្លាំង ចំពោះវត្តមាន កំពូលកីឡាករស៊ុតមិនចេះរីងស្ងួតរូបនេះ។

យ៉ាងណាវិញ ថ្វីបើ Juventus ទទួលបានកីឡាករឆ្នើម មួយរូបពិតមែន តែក្រុម​ជើងឯកអ៊ីតាលីមួយនេះ អាចប្រឈមនឹងការបាត់បង់ខ្សែប្រយុទ្ធ Gonzalo Higuain នាពេលដ៍ខ្លីខាងមុខនេះ។ ជាក់ស្តែងណាស់ បើតាមការចុះផ្សាយរបស់​កាសែត Marca បានឲ្យដឹង Gonzalo Higuain ត្រៀមទៅចូលរួមជាមួយក្រុម​តោខៀវ Chelsea នារដូវក្តៅខាងមុខនេះ ក្នុងតម្លៃខ្លួន ៨៨លានផោន។ Higuain កាន់តែទទួលបានការចាប់​អារម្មណ៍ យ៉ាងខ្លាំង ពីសំណាក់ Chelsea ខណ:ក្លិបអង់គ្លេសមួយនេះ កំពុងបើក​ការចរចារ ជាមួយ Juventus ទាក់ទងនឹងការផ្ទេរខ្សែប្រយុទ្ធអាហ្សង់ទីនរូបនេះ។ ម្យ៉ាងវិញទៀត Juventus អាចនឹងយល់ព្រមលក់ Higuain ព្រោះថា វត្តមានរបស់ Ronaldo គឺជាកម្លាំងប្រយុទ្ធដ៍សំខាន់របស់ក្លិបទៅហើយ ខណ: Higuain មិនមែនជាខ្សែប្រយុទ្ធមុតស្រួចទៀតឡើយ។

ដូច្នេះហើយ Gonzalo Higuain នឹងចាកចេញពីក្រុមសេះបង្កង់ Juventus ទៅកាន់ក្រុមតោខៀវ Chelsea បន្ទាប់ពី Ronaldo កំពុងតែទទួល​ការស្ចាគមន៍ យ៉ាងខ្លាំងពីក្លិប និងអ្នកគាំទ្រ។

Loading...