Post News Media ព័ត៌មានកីឡា ទៅវិញទៅមក Hon...

ទៅវិញទៅមក Honda មកប្រកបអាជីពនៅអាស៊ីវិញ

ខ្សែប្រយុទ្ធអន្តរជាតិជប៉ុន Keisuke Honda បានចាកចេញពីក្រុម Pachuca របស់ប្រទេសម៉ិកស៊ីកូហើយ ដោយវិលមកប្រកបអាជីពថ្មី នៅតំបន់អាស៊ីប៉ាស៊ីភិក​វិញ។

បើតាមគណនី Twitter របស់កីឡាករ Keisuke Honda បានឲ្យដឹងថា ខ្សែប្រយុទ្ធអន្តរជាតិជប៉ុនរូបនេះ បានសម្រេចចិត្តមកចូលរួមជាមួយក្រុម Melbourne Victory ក្នងក្របខណ្ឌ A-League របស់ប្រទេសអូស្ត្រាលីវិញ​ហើយ។ Honda គឺជាកីឡាករល្បីល្បាញមួយរូបរបស់ជប៉ុន ដោយបានប្រលូក​ក្នុងវិស័យបាល់ទាត់ នៅតំបន់អរ៉ុបអស់រយ:ពេលជាច្រើនឆ្នាំមកហើយ ទម្រាំផ្លាស់​ទៅលេងនៅតំបន់អាមេរិកខាងជើងជាមួយក្រុម Pachuca របស់ប្រទេសម៉ិកស៊ីកូ បានមួយរដូវកាល។

យ៉ាងណាវិញ Honda មិនបានវិលទៅកាន់ប្រទេសកំណើត​របស់គេវិញឡើយ រូបគេបែរជាផ្លាស់បរិយាកាសថ្មី ទៅកាន់ប្រទេសអូស្ត្រាលីដែល​ជាតំបន់មានបាល់ទាត់រីកចម្រើនគួរសមដែរ។ គួរបញ្ជាក់ផងដែរថា កាលប្រលូក​អាជីពនៅតំបន់អឺរ៉ុប កន្លងមក Keisuke Honda ធ្លាប់លេងឲ្យក្រុម​ CSKA Mosco រួចបន្តទៅលេងឲ្យក្រុម AC Milan និងបន្ទាប់មកទៅទឹកដីអាមេរិក​ខាងជើងជា​មួយក្រុម Pachuca ខណ:ចុងក្រោយនេះ​មកកាន់ក្រុម Melbourne Victory ។

ដូច្នេះហើយ កីឡាករដ៍ល្បីល្បាញរបស់ជប៉ុន Keisuke Honda បានវិលត្រឡប់​មកតំបន់អាស៊ីវិញហើយ តែមិនមែនស្រុកកំណើតរបស់គេឡើយ គឺមកប្រកបអា​ជីព​នៅក្នុងប្រទេសអូស្ត្រាលីវិញ។

Loading...