Post News Media ព័ត៌មានកីឡា Modric ប្រាប់...

Modric ប្រាប់ពីគម្រោងចាកចេញពី Real Madrid

ខ្សែបម្រើក្រូអាត ម្ចាស់ពានបាល់មាស ប្រចាំព្រឹត្តិការណ៍ World Cup ២០១៨ កន្លងទៅនេះ កីឡាករ Luka Modric កំពុងតែមានបំណងចង់ចាកចេញពីក្រុម Real Madrid ដោយដើរតាមគន្លងមក Ronaldo ផ្លាស់មកកាន់ក្របខណ្ឌកំពូល​ប្រទេសអ៊ីតាលី។

បើតាមការចុះផ្សាយរបស់កាសែត Marca ពីប្រទេសអេស្ប៉ាញ បានឲ្យដឹងថា ក្រុម​ Real Madrid កំពុងតែត្រៀមបាត់បង់កីឡាករឆ្នើមមួយរូបទៀតហើយ បន្ទាប់ពី Cristiano Ronaldo ។ ជាក់ស្តែងណាស់ Luka Modric កីឡាករបម្រើ​កណ្តាលឆ្នើម និងពូកែកាឡុកពេញទីលាន បានបង្ហើបឲ្យដឹងពីបំណងចង់ចាក​ចេញពី Real Madrid នៅរដូវកាលនេះ។

Modric បានចំណាយពេលប្រមាណ​ជា ១០ឆ្នាំមកហើយ ជាមួយក្រុម Real Madrid ដោយជួយក្រុមយក្សអេស្ប៉ាញ​មួយនេះឲ្យទទួលបានជោគជ័យយ៉ាងច្រើន​ គួរឲ្យកត់សម្គាល់។ ការចង់ចាកចេញ​នេះដែរ កីឡាករក្រូអាតរូបនេះ មិនមានបញ្ហាណាមួយជាមួយក្លិបឡើយ តែ Modric ប្រហែលជាចង់ដើរតាមគន្លងរបស់ Ronaldo ពោលទៅរកកម្រិតមួយ​ផ្សេងទៀត សម្រាប់អនាគត់របស់កីឡាករល្អរូបនេះ។

ដូច្នេះហើយ Luka Modric នឹងដើរចេញពីក្រុម Real Madrid នៅក្នុងពេលដ៍​ខ្លី​ខាងមុខនេះ ខណ:ក្រុម Inter Milan វិញ ត្រៀមចាំទទួលយកកីឡាករម្ចាស់បាល់​មាស World Cup នៅរុស្ស៊ីរូបនេះ។