ស្ងាត់ៗ ក្រុមបីសាចក្រហម Manchester United ក្រោមការដឹកនាំរបស់លោក Jose Mourinho បានចាប់ផ្តើមដេញថ្លៃជាមួយក្រុម Real Madrid និង Barcelona ក្នុងការទិញយកខ្សែប្រយុទ្ធអាហ្សង់ទីន Paulo Dybala ពីក្រុម Juventus ។

នេះគឺជាការដេញថ្លៃរបស់លោក Jose Mourinho ក្នុងការប្រជែងជាមួយក្រុមយក្សអេស្ប៉ាញទាំង២ ដើម្បីប្រជែងយកកីឡករកំពុងលេងឡើងជើង Paulo Dybala ។ ក្នុងនោះដែរ បើតាមការចុះផ្សាយរបស់ The Sun បានឲ្យដឹងថា​ ក្រុមបីសាចក្រហម Manchester United បានត្រៀមចំណាយទឹកប្រាក់រហូតដល់ទៅ ១៥៥លានផោន ដើម្បីតាមទិញ Dybala ពីក្រុមសេះបង្កង់ Juventus ។ ទឹកប្រាក់យ៉ាងសម្បើមនេះ ពិតជាអាចមានលទ្ធភាពខ្ពស់ឲ្យក្រុមបីសាចក្រហម Manchester United ដណ្តើមយក Dybala ជាមួយ​ Real Madrid និង Barcelona ដែលចង់បាន កីឡាកររូបនេះដែរ។

ម្យ៉ាងវិញទៀតនោះ បើតាមភាពខ្លាំងក្លា និងការរីកចម្រើនរបស់ Man Utd នាពេលបច្ចុប្បន្ននេះ ទំនងជា Dybala អាចសម្លឹងឃើញ ខណៈក្រុម Barcelona កីឡាកររូបនេះធ្លាប់បដិសេធ និង​ Real Madrid Dybala ធ្លាប់មានបំណងចង់ផ្លាស់ទៅ។ ជាងនេះទៅទៀត Man Utd ហ៊ានចំណាយទឹកប្រាក់យ៉ាងសម្បើម ជាងក្រុមអេស្ប៉ាញ រហូតដល់ទៅ ១៥៥លានផោន ដែលច្រើនជាង Barcelona និង Real Madrid ដែលហ៊ានចំណាយត្រឹម ១០០លានផោនប៉ុណ្ណោះ។

ដូច្នេះហើយ ក្រុមបីសាចក្រហម Manchester United នឹងអាចក្លាយជាក្រុមអង់គ្លេសមួយ ចំណាយទឹកប្រាក់ច្រើនជាងគេបំផុតក្នុងការនាំយកកីឡាករដែលមានតម្លៃថ្លៃកប់ពពកបែបនេះ នាពេលឆាប់ៗនេះ។