ក្លឹប Manchester United បានបញ្ជាក់តម្លៃខ្លួនដែលដាក់ដេញថ្លៃយកកីឡាករ Paul Pogba ពីក្រុម Juventus ហើយ ពោលគឺមានតម្លៃ៨៦លានផោន និងឱ្យថ្លៃឈ្នូល២០០ ០០០ផោនទៀតក្នុងមួយសប្ដាហ៍។

មានដំណឹងជាច្រើនបានចុះផ្សាយថាក្រុមបិសាចក្រហមនឹងចំណាយដល់ទៅ១០០លានផោន ឬច្រើនជាងនេះទៅទៀត ក្នុងការដាក់ដេញថ្លៃយកកីឡាករសញ្ជាតិបារាំងត្រលប់មកលេងនៅ Old Trafford វិញ។ យ៉ាងណាមិញ នៅពេលនេះដែរ ក្លឹប Man Utd បានចេញមកបញ្ជាក់ហើយថាពួកគេកំពុងតែចរចាជាមួយ Juventus មែន ដោយមានតម្លៃខ្លួនត្រឹមតែ៨៦លានផោនប៉ុណ្ណោះសម្រាប់ Pogba ។នេះគ្រាន់តែជាតម្លៃពិតប្រាកដមួយ សម្រាប់ការទៅចរចាលើកដំបូងរបស់ក្រុមលោក Jose Mourinho ប៉ុណ្ណោះ ខណៈដែលខាងក្រុមសេះបង្កង់វិញ ក៏មិនទាន់ចេញមកបញ្ជាក់ថាព្រមលក់ឬយ៉ាងណានោះទេ។

នៅពេលនេះដែរ កីឡាករវ័យ២៣ឆ្នាំខាងលើនេះមិនមែនមានតែ Man Utd មួយទេដែលចង់បាន ពោលគឺក្លឹប Real Madrid និង Barcelona ក៏បង្ហាញការចាប់អារម្មណ៍ដែរ ប៉ុន្តែហាក់មិនសូវហានដាក់តម្លៃថ្លៃដល់ក្លឹប Manchester United ឡើយ៕