ក្លឹបបាល់ទាត់ Chelsea មានទំនុកចិត្តថានឹងអាចយកខ្សែប្រយុទ្ធ Romelu Lukaku ត្រលប់មកទឹកដី Stamford Bridge បានវិញពីក្លឹប Everton ក្នុងតម្លៃរហូតដល់ទៅ៦០ផោនឯណោះ។

លោក Antonio Conte គ្រូបង្វឹកក្លឹប Chelsea បាននិយាយថាក្រុមរបស់លោកត្រូវការខ្សែប្រយុទ្ធម្នាក់ទៀត ដើម្បីចូលលេងរដូវកាលថ្មីរបស់លីគកំពូលអង់គ្លេស។ Lukaku ជាកីឡាករម្នាក់ដែលលោករំពឹងថានឹងអាចជួយក្រុមបានច្រើន ហើយរូបគេក៏ព្រមមកជួយក្លឹបចាស់វិញដែរ ប្រសិនបើតោខៀវដាក់លក្ខខណ្ឌមួយត្រឹមត្រូវ និងតម្លៃសមល្មមដែលក្លឹប Everton អាចលក់បាន។

Chelsea បានលក់ខ្សែប្រយុទ្ធសញ្ជាតិប៊ែលហ្សិករូបនេះកាលពី ២ឆ្នាំមុនឱ្យទៅក្លឹប Everton ក្នុងតម្លៃ២៨លានផោន។ ខណៈដែល២រដូវកាលមកនេះ កីឡាករវ័យ២៣ឆ្នាំរូបនេះបង្ហាញសមត្ថភាពបានល្អ ទើបត្រូវក្លឹបជាច្រើនចង់បាន ហើយ Chelsea ក៏មានឈ្មោះមួយក្នុងចំណោមនោះដែរ៕