ក្លឹប Arsenal កំពុងតែប្រមាញ់យកខ្សែការពារម្នាក់មកពង្រឹងក្រុមបន្ថែមសម្រាប់រដូវកាលថ្មីខាងមុខនេះ។ ស្របពេលដែលកីឡាករត្រូវចិត្តរបស់លោក Arsene Wenger រូបនោះ គឺ Shkodran Mustafi របស់ក្លឹប Valencia ។

ដោយសារតែការពេញចិត្តចំពោះទម្រង់លេងនេះហើយ បានធ្វើឱ្យក្លឹបកាំភ្លើងធំហ៊ានដាក់តម្លៃខ្លួនដល់ទៅ៣០លានផោនឯណោះ ដើម្បីនាំយកកីឡាករជម្រើសជាតិអាល្លឺម៉ង់រូបនេះ។ តែទោះជាដាក់តម្លៃដល់ទៅយ៉ាងនេះក្ដី ប៉ុន្តែក្រុមនៅអេស្ប៉ាញមួយនេះ ហាក់មិនទាន់ផ្ដល់ចំលើយតបយ៉ាងណានោះទេ ខណៈដែលលើកមុនពួកគេបាននិយាយថា Mustafi មានតម្លៃខ្លួនដល់ទៅ៤០លានផោន ទើបអាចចាកចេញបាន។

Arsenal នឹងត្រូវប្រកួតបើករដូវកាលប៉ះជាមួយក្រុម Liverpool នៅថ្ងៃអាទិត្យចុងសប្ដាហ៍នេះ ស្របពេលដែលជិតដល់ការប្រកួតទៅហើយ ពួកគេបែរជាមានរបួសខ្សែការបារសំខាន់ដល់ទៅ២នាក់គឺ Gabriel និង Per Mertesacker ទៅវិញ។ ហេតុដូច្នេះហើយ ទើបជាក្រុមរបស់លោក Wenger កំពុងតែតាមប្រមាញ់យកខ្សែការពារបន្ថែមម្នាក់ឬពីរនាក់បន្ថែមទៀត៕