Post News Media ព័ត៌មានកីឡា Juventus ចង់ឱ...

Juventus ចង់ឱ្យ Mandzukic ទៅ Arsenal ដើម្បីដូរយក Sanchez មកវិញ

ក្លឹបយក្សអ៊ីតាលី Juventus មានមហិច្ឆតាចង់បានខ្សែប្រយុទ្ធ Alexis Sanchez របស់ក្លឹប Arsenal នៅរដូវកាលដោះដូរកីឡាករខែមករាដើមឆ្នាំក្រោយ ដោយថែមឱ្យក្រុមកាំភ្លើងធំកីឡាករម្នាក់ទៀត ប្រសិនបើព្រមលក់ឱ្យ។

Sanchez កំពុងតែបង្ហាញទម្រង់លេងល្អមែនទែនក្នុង២រដូវកាលមកនេះ ជាមួយក្រុម Arsenal ក៏ដូចជាជម្រើសជាតិឈីលីផងដែរ។ យ៉ាងណាមិញ អតីតកីឡាករ Barcelona រូបនេះ ធ្លាប់បង្ហាញចំណាប់អារម្មណ៍ថាអាចនឹងចាកចេញពីអង់គ្លេសហើយនៅពេលខាងមុខ ដោយសារតែខ្លួនមើលឃើញថាក្រុម Arsenal គ្មានមហិច្ឆតាចង់បានពានរង្វាន់អ្វីនោះទេ។

sanchez

ទាក់ទងនឹងរឿងនេះក្រុមរបស់លោក Wenger មិនចង់ឱ្យ Sanchez ទៅណាទេ ពោលគឺកំពុងតែចរចាបន្ដកុងត្រាទៀតហើយ ដោយអាចនឹងតំឡើងប្រាក់ប្រចាំសប្ដាហ៍ច្រើនជាងប្រាក់បច្ចុប្បន្ន ១៣០ ០០០ផោននេះទៀតផង។ ដោយមើលឃើញពីផលលំបាកនាំយកខ្សែប្រយុទ្ធកម្ពស់ទាបរូបនេះអីចឹងហើយ ទើបបានតែ Juventus ព្រមលើកឱ្យខ្សែប្រយុទ្ធរបស់ខ្លួន Mandzukic ទៅឱ្យកាំភ្លើងធំទៀត ដើម្បីជាថ្នូរមួយសម្រាប់ទិញដូរគ្នា។

ដោយសារតែនៅពេលយូរទៀត ក្នុងការដោះដូរកីឡាករនេះហើយ បានជាក្លឹប Arsenal ហាក់មិនទាន់ឆ្លើយតបទៅនឹងការស្នើរបស់ក្រុម Juventus ឡើយ ដោយរង់ចាំមើលលក្ខខណ្ឌផ្សេងៗទៀតសិន៕

mandzukic