ខ្សែបម្រើ Pual Pogba បានផ្លាស់ប្ដូរម៉ូដសក់របស់ខ្លួនមួយទៀតហើយ ក្រោយពីស៊ុតមួយជើងពីចម្ងាយឱ្យក្រុមជម្រើសជាតិបារាំងយកឈ្នះក្រុមហុល្លង់១-០ កាលពីយប់ម្សិលមិញនេះ ក្នុងពានរង្វាន់ជម្រុះ World Cup 2018 ។

បុរសលេងម៉ូដសក់ Pogba ត្រូវបានគេអង្កេតឃើញថាបានផ្លាស់ប្ដូរម៉ូដតាំងពីចូលលេងឱ្យក្រុម Manchester United មក ប្រហែលជា៤ដងមកហើយ ដោយក្នុងនោះពីមួយម៉ូដទៅមួយម៉ូដសុទ្ធតែមានការរចនាប្លែកៗរហូត។ តួយ៉ាងដូចជាម៉ូដថ្មីនេះ មានរូបលេខ១០០ និងសញ្ញាភ្លើងមួយ ដែលបង្ហាញឱ្យឃើញថារូបគេត្រៀមខ្លួនបាន១០០%ហើយ សម្រាប់ការចូលលេងជួយក្រុមបិសាចក្រហមក្នុងបានរង្វាន់ English Premier League ។

សូមបញ្ជាក់ថាខ្សែបម្រើវ័យ២៣ឆ្នាំនេះ កាលលេងនៅក្លឹប Juventus ពិតជាល្អមែនទែន ទើបក្រុមរបស់លោក Jose Mourinho សម្រេចចិត្តទិញក្នុងតម្លៃខ្លួនបំបែកកំណត់ត្រាពិភពលោក៨៩លានផោន។ យ៉ាងណាមិញ ពេលមកដល់ Old Trafford និងបានបង្ហាញខ្លួនប៉ុន្មានប្រកួតមកនេះ ឃើញថារូបគេលេងនៅមានកម្រិតនៅឡើយ មិនទាន់ដល់ទម្រង់ដើមនោះទេ៕