ក្លឹប Roma របស់អ៊ីតាលីចង់បានកីឡាករ៣នាក់របស់ក្លឹប Manchester City ដែលនឹងផុតកុងត្រានៅរដូវកាលនេះ។
Pablo Zabaleta, Bacary Sagna និង Gael Clichy នឹងអស់កុងត្រាជាមួយក្លឹប Man City នៅរដូវកាលនេះហើយ ខណ:ដែលក្លឹបផ្ទាល់ក៏មិនទាន់ឃើញបង្ហាញពីគោលបំណងចង់បន្ដឱ្យកីឡាករទាំង៣នាក់នេះទៀតដែរ។ ដូច្នេះហើយ បានជាក្លឹប Roma ដែលកំពុងតែប្រជែងយកពានរង្វាន់ Serie A នោះ កំពុងតែទាក់ទងចង់បាន៣នាក់នេះ ដើម្បីទៅពង្រឹងតំបន់ការពាររបស់ខ្លួន។
ទាក់ទិននិងរឿងកីឡាករអស់កុងត្រានេះដែរ ក្លឹប Man City ប្រហែលជាមិនចង់បន្ដឱ្យពួកគេទៀតទេ ព្រោះលោក Pep Guardiola បានបង្ហើបគម្រោងរួចហើយថា នឹងទិញកីឡាករចំណូលថ្មីបន្ថែមទៀតនៅខែមករា ខាងមុខ ត្បិតអីបច្ចុប្បន្នកីឡាករ Man City ទាំងអស់សុទ្ធតែខ្លាំងៗហើយក៏ដោយ។
ក្លឹប Manchester City គិតត្រឹមប៉ុន្មានសប្ដាហ៍នេះ កំពុងតែឈរនៅតារាងលីគកំពូលអង់គ្លេស ដោយមានគូប្រជែង Arsenal កំពុងប្រជែងពីក្រោយ ខណ:ដែលក្នុងពានរង្វាន់ UEFA Champions League វិញពួកគេស្ថិតក្នុងវគ្គចែកពូលនៅឡើយ៕
មតិយោបល់