ប្រជាពលរដ្ឋខេត្តស្ទឹងត្រែងបារម្ភណ៏ការគំរាមពីទឹកជំនន់ព្រោះផ្លូវក្នុង ក្រុងមួយចំនួនបានលិចជាបណ្តើរៗ
ស្ទឹងត្រែង៖ប្រជាពលរដ្ឋរស់នៅតាមដងទន្លេមេគង្គមានក្តីបារម្ភណ៏ចំពោះផលប៉ះពាល់ ពីកំពស់ទឹកទន្លេ មេគង្គ ព្រោះនៅខែកក្កដាឆ្នាំ២០១៤នេះ មានកំរិតកំពស់ខ្ពស់ជាងខែកក្កដាឆ្នាំកន្លងទៅ ធ្វើឲ្យផ្លូវមួយចំនួនក្នុងក្រុងបានលិចជាបណ្តើរៗ ធ្វើឱ្យពួកគាត់ពិបាកធ្វើចរាចរណ៏ ឆ្លងទឹកទៅមកម្ដងៗ និងព្រួយពីសុវត្ថិភាពរបស់ខ្លួន។ ទឹកទន្លេមេគង្កនៅខេត្តស្ទឹងត្រែងបានហក់ឡើងដល់កំរិតកំពស់១០ម៉ែត្រ៥៥នៅថ្ងៃទី១ខែសីហាឆ្នាំ២០១៤នេះហើយបើសិនជាឡើង ដូចពីរថ្ងៃកន្លងមកនោះ និងឈានទៅដល់ កំរិតប្រកាសអាសន្ន១០ម៉ែត្រ៧០និងធ្វើឱ្យប្រជាពលរដ្ឋព្រួយបារម្ភណ៏និងស្ថានភាពរស់នៅប្រចាំថ្ងៃ។ កញ្ញាសុភា អាយុ២០ឆ្នាំរស់នៅភូមិ ឃុំសំអាងស្រុកថាឡាបរិវ៉ាត់និយាយអះអាងថាទោះបីធ្លាប់ជួបប្រទះទឹកទន្លេមេគង្គ លិចជារៀងរាល់ឆ្នាំក៍ដោយ ក៍នៅតែមានការភ័យខ្លាចដែរ នាងខ្ញុំមានការព្រួយបារម្ភណ៍ច្រើនព្រោះអីកាលណាយើងឆ្លងសាឡាងអញ្ចឹង ទៅមកខ្លាចមានគ្រោះថ្នាក់…