Tag: ទូរសព្ទ

កាលពីពេលថ្មីៗនេះអាជ្ញាធរនៃប្រទេសសិង្ហបុរីបានប្រកាសអំពីល្បិចដែលជនខិលខូចបានបន្លំធ្វើជាអតិថិជនរបស់ធនាគារហើយបានធ្វើការផ្លាស់ប្ដូរការទទួលសារដើម្បីលួចយកលេខសម្ងាត់ OTP។ ក្រុមអ្នកវាយប្រហារដែលរស់នៅបរទេសទាំងនេះបានបន្លំធ្វើជាអតិថិជនសរុបចំនួន ៧៥នាក់ហើយបានលួចប្រើប័ណ្ណឥណទានដែលមានទឹកប្រាក់ប្រមាណ ៥០ម៉ឺនដុល្លារ។ នៅក្នុងការវាយប្រហារនេះពួកគេបានធ្វើការផ្លាស់ប្ដូរសេវាកម្មទូរសព្ទ ដែលអាចឱ្យពួកគេទទួលបានសារនៅក្រៅប្រទេស។ ជនខិលខូចបានធ្វើការផ្លាស់ប្ដូរទីតាំងសម្គាល់ ដើម្បីឱ្យក្រុមហ៊ុនផ្ដល់សេវាកម្មទូរសព្ទនៅសិង្ហបុរីគិតថាអតិថិជនគឺកំពុងតែនៅក្រៅប្រទេសដែលនេះទាមទារឱ្យពួកគេមានចំណេះដឹងច្រើនក្នុងការជ្រៀតចូលទៅក្នុងប្រព័ន្ធទូរគមនាគមន៍ នេះបើតាមការផ្សព្វផ្សាយរបស់អាជ្ញាធរ។ ទាក់ទងនឹងការវាយប្រហារនេះ ជនរងគ្រោះពុំមានវិធីណាមួយដែលអាចការពារគណនីរបស់ពួកគេ ក្រៅពីការពារកុំឱ្យបែកធ្លាយលេខប័ណ្ណឥណទានតាមរយៈកម្មវិធីមេរោគ ឬការបោកបញ្ឆោត។ ទោះជាយ៉ាងណាក្ដី នាយកដ្ឋានសូមឱ្យអ្នកប្រើប្រាស់មានការប្រុងប្រយ័ត្នជាមួយនឹងការស្នើសុំលេខសម្ងាត់ OTP ពីជនណាម្នាក់។ សូមលោកអ្នកកុំផ្ដល់លេខសម្ងាត់នេះទៅឱ្យជនទីបីនៅពេលដែលមានការស្នើសុំណាមួយ ដើម្បីការពារកុំឱ្យមានការលួចចូលប្រើប្រាស់គណនីរបស់លោកអ្នក…

មួយរយៈពេលកន្លងមកនេះ នាយកដ្ឋានប្រឆាំងបទល្មើលបច្ចេកវិទ្យា នៅតែបន្តរកឃើញករណីលួចចូលយកគណនីហ្វេសប៊ុក ដើម្បីធ្វើការឆបោកក្នុងរូបភាព សុំខ្ចីលុយ ដោយជនខិលខូចបន្លំធ្វើជាមិត្តភក្តិ ឬបងប្អូនរបស់ម្ចាស់គណនីហ្វេសប៊ុកពិត ដែលត្រូវបានពួកគេលួចចូលនោះ។ ទាក់ទងនឹងករណីនេះ នាយកដ្ឋានសូមធ្វើការក្រើនរំឭកដល់បងប្អូនប្រជាពលរដ្ឋឱ្យធ្វើការបញ្ជាក់អត្តសញ្ញាណឱ្យបានច្បាស់មុននឹងផ្ញើលុយ ដោយទូរសព្ទទៅកាន់អ្នកដែលបានសុំខ្ចីលុយដោយផ្ទាល់។ សម្រាប់ការបោកប្រាស់តាមរយៈការទិញទំនិញអនឡាញវិញ នាយកដ្ឋានក៏បានរកឃើញមានករណីដែលជនរងគ្រោះបានទិញទំនិញ ហើយបានបង់ប្រាក់ជាមុន ប៉ុន្តែជនខិលខូចមិនបានផ្ញើទំនិញឱ្យ ឬផ្ញើទំនិញដែលមិនមានតម្លៃទៅវិញ។ ដើម្បីចៀសវាងការខាតបង់លុយកាក់ នាយកដ្ឋានសូមឱ្យបងប្អូនធ្វើការបង់ប្រាក់នៅពេលដែលទទួលបានទំនិញ និងបន្ទាប់ពីបានពិនិត្យទំនិញនោះឱ្យបានច្បាស់លាស់ជាមុនសិន៕ ប្រភព៖​…