ព័ត៌មានបច្ចេកវិទ្យា

សម្បកការពារទូរស័ព្ទមួយនេះ​​ ភ្ជាប់មកស្រេចជាមួយដ្រូនសម្រាប់ទុកថតរូបសែលហ្វី

ប្រសិនបើអ្នកគិតថា ការថតរូបសែលហ្វីមានការលំបាក​ ដោយរាល់ពេលដែលថតម្តងៗ​តែងតែឃើញមានជាប់ដៃ​ ឬជាប់ដងថតសែលហ្វីមកជាមួយ​ ហើយប្រសិនបើអ្នកចង់ថតរូបបានស្អាតហើយងាយនោះ​ អ្នកប្រាកដជាត្រូវការ​ Airselfie នេះជាមិនខាន។

Airselfie ​គឺជាដ្រូនដែលបង្កប់ខ្លួននៅពីក្នុងស្រោមការពារទូរស័ព្ទ​ វាអាចផ្តល់ជូនលោកអ្នកនូវការថតរូបសែលហ្វីបានយ៉ាងពេញចិត្ត​ ក្នុងរយ:ចម្ងាយឆ្ងាយពីដៃ​​ ដែលយើងមិនអាចថតបាន។

អ្នកអាចធ្វើការបញ្ជាវា ដោយប្រើប្រាស់កម្មវិធី Airselfie នៅលើទូរស័ព្ទ​ដៃបាន។​ កម្មវិធី​ Airselfie នោះផ្តល់ជូនការបញ្ជាហោះហើរចំនួនបីប្រភេទ ជាមួយនឹងដឺក្រខុសៗគ្នាទៅតាមការប្រើប្រាស់របស់អ្នកទៅលើដ្រូន។

AirSelfie នឹងចេញមកក្នុងតម្លៃ​ ២៦០ ដុល្លារ​​​ ហើយវានឹងរួចរាល់សម្រាប់ការដឹកជញ្ជូននៅក្នុងខែ​ ឧសភា ឆ្នាំនេះ។ លោកអ្នកក៏អាចធ្វើការកម្មង់ទិញវាទុកជាមុនក្នុងពេលឥឡូវនេះបាន​ នៅលើគេហទំព័រ​ Airselfie ដោយផ្ទាល់។​ ឧបករណ៍​ Airselfie​ នេះសាកសមជាមួយនឹងទូរស័ព្ទដៃមួយចំនួនដូចជា iPhone 7, 7 Plus, 6s, 6s Plus, 6, 6 Plus, Google Pixel​ នឹង Samsung Galaxy S7 Edge៕

 

មតិយោបល់