កាលពីឆ្នាំ ២០១៦ និយ័តករមួយរូបនៃទីក្រុងប៉េកាំងក្នុងប្រទេសចិន បានប្តឹងថា រចនាបថ iPhone 6 បានល្មើសលើប៉ាតង់របស់ក្រុមហ៊ុនផលិតកម្មមួយក្នុងប្រទេសចិន។

ក្រោយមកទៀតក្រុមហ៊ុន Apple ត្រូវបានតុលាការស្នើឲ្យបញ្ឈប់ការលក់ iPhone 6 នៅក្នុងក្រុងប៉េកាំង ហេតុដូចនោះ Apple បានប្រញាប់ធ្វើតាមសំណើដែលបានហាមប្រាមនេះ។

កន្លងទៅបានជិត ១០ ខែ តុលាការកម្មសិទ្ធិបញ្ញា បានសម្រេចថា ក្រុមហ៊ុនបច្ចេកវិជ្ជាយក្ស Apple មិនបានរំលោភលើប៉ាតង់ណាមួយនៃក្រុមហ៊ុន Baili ឡើយ។

យោងតាមកាសែត People’s Court Daily បានឲ្យដឹងថា តុលាការបានប្រកាសសាលក្រម ច្រានចោលពាក្យបណ្តឹង ដោយសារក្រមហ៊ុន Apple មិនបានល្មើសទៅលើច្បាប់ប៉ាតង់ ដូចដែលក្រុមហ៊ុន Shenzen Baili បានចោទនោះទេ។

ការចោទប្រកាន់ដោយខ្លួនឯងនេះ គឺមិនសមហេតុសមផលទាល់តែសោះ ពីព្រោះក្រុមហ៊ុនចិននេះត្រូវគេដឹងថា បានចេញលក់ស្មាតហ្វូន ជាមួយរចនាបថ ក្លែងបន្លំដោយចំហរមួយ នៃរចនាបថ iPhone ហើយមិនមានវិធីណាផ្សេងក្រៅពីនេះឡើយ។

ការសម្រេចចិត្តថ្មីរបស់តុលាការ មិនមានអ្វីគួរឲ្យភ្ញាក់ផ្អើលទេ ព្រោះកាលពីឆ្នាំមុន ការស្រាវជ្រាវត្រូវបានធ្វើឡើងភ្លាមៗ និងរកឃើញថា ក្រុមហ៊ុន Baili គ្មានអ្វីផ្សេងលើកយកមកបង្ហាញទាល់តែសោះ ក្រៅពីប៉ាតង់របស់ក្រុមហ៊ុនខ្លួនតែមួយគត់។

អាក្រក់ជាងនេះទៅទៀត Baidu ថែមទាំងបានចោទ Apple ថាធ្វើឲ្យខ្ជះខ្ជាយទឹកប្រាក់វិយោគទុនរបស់ខ្លួន។ យ៉ាងណាក្តី ក្រុមហ៊ុន Baidu  បានប្រកាសថា នឹងបន្តប្រជែងយកឈ្នះក្រុមហ៊ុន Apple លើករណីល្មើសលើប៉ាតង់នេះ នៅចំពោះមុខតុលាការ៕

ប្រភពព័ត៌មាន៖ iphonehacks.com