ក្រុមហ៊ុន Huawei បន្តប្រកួតប្រជែងទីផ្សារ Tablet តទៅទៀត បើទោះបីជាការលក់កុំព្យូទ័របន្ទះស្តើងរបស់ខ្លួន មានការធ្លាក់ចុះខ្លាំងក្នុងរយៈពេលពីរបីឆ្នាំចុងក្រោយនេះក៏ដោយ។

MediaPad គឺជាសែស្រឡាយ Tablet ឈានមុខគេ និងមានប្រជាប្រិយភាពបំផុតរបស់ក្រុមហ៊ុនបច្ចេកវិទ្យាយក្សរបស់ចិនមួយនេះ ហើយ គឺជាម៉ូឌែលចុងក្រោយ ដែលមានការផ្តល់នូវជម្រើសនៃទំហំ RAM និង ROM ខុសៗគ្នា: 3GB/16GB, 3GB/32GB និង 4GB/64GB។

MediaPad ស៊េរីថ្មីនេះ បង្ហាញវត្តមានជាមួយអេក្រង់កម្រិត Full HD ទំហំ ១០.១ អីុញ ប្រើបន្ទះឈីប Snapdragon 435 ជំនាន់ Octa-core មានបន្ទះស្គេនក្រយៅដៃឋិតនៅខាងក្រោមសន្ទះប៊ូតុង Home។ អ្វីដែលគួរឱ្យចាប់អារម្មណ៍ជាងនេះគឺ វាមានបំពាក់បច្ចេកវិទ្យាសំឡេងថ្មីពីក្រុមហ៊ុន Harman/Kardon នៅខាងមុខដែលអាចផ្តល់នូវគុណភាពសំឡេងដ៏រំជើបរំជួល និងថ្មដែលមានថាមពលរហូតដល់ ៦,៦០០ មីល្លីអំព៊ែរ។

ក្រៅពីនេះ វាត្រូវបានដាក់ឱ្យដំណើរការលើប្រព័ន្ធ Android 7.0 ដែលជាជំនាន់ចុងក្រោយ និងផ្ទាំងកម្មវិធីប្រើប្រាស់ EMUI 5.1 មកពីនាយតែម្តង។ ចំពោះកាមេរ៉ាមុខ/ក្រោយវិញ គឺមានទំហំ ៨ មេហ្គាភិចសែលដូចគ្នា ដែលនេះ គឺអនុញ្ញា​ត​ឱ្យអ្នកប្រើប្រាស់អាចថតរូបបែប Selfie បានយ៉ាងរីករាយជាមួយកាមេរ៉ាមុខ។

ទោះយ៉ាងណា ព័ត៌មានស្តីអំពីតម្លៃ និងកាលបរិច្ឆេទចេញលក់ មិនទាន់ត្រូវបានប្រកាសឱ្យដឹងជាផ្លូវការនៅឡើយទេ៕

ប្រភពព័ត៌មានៈ Huawei