ព័ត៌មានបច្ចេកវិទ្យា

របៀបលាក់រូបថត-វីដេអូ ឬឯកសារផ្សេងៗ នៅលើទូរសព្ទដៃប្រភេទ Android

រូបថត-វីដេអូ ឬឯកសារមួយចំនួននៅលើទូរសព្ទដៃ លោកអ្នកប្រហែលជាមិនចង់ឱ្យវាបែកធ្លាយទៅដល់ដៃ ឬភ្នែកអ្នកដទៃនោះទេ។ បើដូច្នេះមែន តើលោកអ្នកត្រូវធ្វើដូម្តេចទៅ? លុបវាចោល ទុកទូរសព្ទដោយប្រយត្នប្រយែង ជៀសវាងមាននរណាម្នាក់លួចឆែកមើល?

មិនចាំបាច់ពិបាកដល់ម្លឹងទេ! ព្រោះបច្ចុប្បន្ន សម្រាប់ស្មាតហ្វូនដើរដោយប្រព័ន្ធ Android គឺមានកម្មវិធីច្រើនណាស់ដែលអាចជួយលោកអ្នកលើរឿងនេះបាន។

ដូច្នេះ Post Tech សូមណែនាំកម្មវិធីពិសេសមួយឈ្មោះ File Hide Expert ដែលអាចទាញយកទៅប្រើដោយឥតគិតថ្លៃដោយចុចត្រង់នេះ Download ឬចូលទៅកាន់កម្មវិធី Play Store លើទូរសព្ទរបស់ខ្លួន ដើម្បីទាញយកទៅដំឡើងបាន។

របៀបលាក់ឯកសារ

– ជាដំបូង សូមបើកដំណើរការកម្មវិធី File Hide Expert ដែលលោកអ្នកបានដំឡើងរួច


– បន្ទាប់មក ចុចលើមឺនុយរូប Folder ឋិតនៅរបារខាងលើ រួចស្វែងរកទីតាំងប្រអប់ឯកសារ ឬឯកសារដែលលោកអ្នកលាក់។ ឧ. លោកអ្នកចង់លាក់ប្រអប់ឯកសារឈ្មោះ Pictures និង Movie សូមចុចធីកលើប្រអប់ធីកខាងស្តាំដៃនៃប្រអប់ឯកសារទាំងនោះ


– បន្ទាប់មកទៀត សូមចុចលើប៊ូតុង OK រួចចុចលើប៊ូតុង Hide All។ ប្រសិនបើលោកអ្នកចង់បង្ហាញឯកសារទាំងនោះឡើងវិញ សូមចុចលើប៊ូតុង Restore All


– ជាបន្ត ប្រសិនលោកអ្នកចង់ចាក់សោកម្មវិធីមិនឱ្យអ្នកដទៃអាចប្រើបាន សូម​ចុចលើសញ្ញាចុចបីរាងបញ្ឈរ ឋិតនៅមឺនុយខាងលើ រួចជ្រើសយក Settings
– បន្ទាប់មក ចុចធីកលើមុខងារ Enable Password រួចចុចលើ Change Password និងបញ្ចូលលេខកូដសម្ងាត់ក្នុងនោះ ហើយចុចលើប៊ូតុង OK ជាការស្រេច។

បញ្ជាក់: ក្រោយពីលោកអ្នកចុចលាក់ឯកសាររបស់ខ្លួនតាមកម្មវិធីនេះរួច នៅ​ពេលដែលចង់បើកឯកសារទាំងនោះមើលនៅក្នុងកម្មវិធី File Explorer ដែលមានស្រាប់លើទូរសព្ទ ឬកម្មវិធីដទៃផ្សេងទៀត គឺមិនអាចឃើញបានឡើយ លុះត្រាតែចូលទៅកាន់កម្មវិធី File Hide Expert ហើយចុច RESTORE ឡើងវិញ៕

មតិយោបល់