ភ្នំពេញ៖ នៅទីបំផុតទៅ “ព្រឹត្តិការណ៍ប្រកួតតស៊ូមតិ និងវោហាសព្ទឆ្នើមថ្នាក់ជាតិ និងធំបំផុតមិនធ្លាប់មានក្នុងប្រទេស​កម្ពុជា ”The Perspectives Cambodia” ដែលប្រព្រឹត្តឡើងនៅថ្ងៃសៅរ៍ ទី ២២ កក្កដា ២០១៧ ពីម៉ោង ៨ ព្រឹក ដល់ ៦ និង ៣០ នាទីល្ងាច​ នៅវិទ្យាស្ថានបច្ចេកទេសកម្ពុជា បានរកឃើញជើងឯង និងម្ចាស់ជ័យលាភីកំពូលស្មាតហ្វូន Huawei P10 និងទឹកប្រាក់ចំនួន ១០ លានរៀលហើយ។

ម្ចាស់ជ័យលាភី លេខ១ សម្រាប់ការតស៊ូមតិ The Perspectives Cambodia ទទួលបានមេដាយមាស ថវិកាសរុប ១០ លានរៀល និងស្មាតហ្វូនស៊េរីទំនើ​បថ្មី គឺ Huawei P10 ម្នាក់មួយគ្រឿង។ ចំណែកឯម្ចាស់ជ័យលាភីខាងវោហាសព្ទឆ្នើមវិញ ទទួលបានមេដាយមាស ស្មាតហ្វូនស៊េរីថ្មីបំផុតរបស់ Huawei គឺ Huawei Y7 Prime មួយគ្រឿង និងថវិកាមួយចំនួនផ្សេងទៀត។

កម្មវិធី “The Perspectives Cambodia” នេះ គឺជាវេទិកាសង្គមថ្មីមួយ ដែលអនុញ្ញាតិឲ្យយុវជនខ្មែរ សម្តែងមតិប្រកបដោយការគិតគូរ និងសេចក្តីថ្លៃថ្នូរ។ ក្រុមតស៊ូមតិចំនួន ៤ ក្រុមចុងក្រោយ (ក្រុមយុវគុណវុឌ្ឍិ ក្រុមយុវជនសាមគ្គី ក្រុមបញ្ញវន្តជំនាន់ថ្មី និងក្រុមទឹកអម្រឹត) ដែលបានឆ្លងកាត់ការប្រកួតជម្រុះ ដ៏ស្វិតស្វាញកន្លងមក បានចូលខ្លួនមកប្រកួតនៅថ្ងៃចុងក្រោយនេះ ដើម្បីកំណត់ថា ក្រុមណាជាជើងឯកសម្តែងមតិឆ្នើមនៃកម្មវិធី The Perspectives Cambodia ឆ្នាំ ២០១៧។

ទន្ទឹមនឹងការប្រកួតស៊ូមតិនេះ បេក្ខជន បេក្ខនារី ចំនួន ៦ រូប ដែលត្រូវបានគេស្គាល់ និងជ្រើសរើសជាអ្នកមានថ្វីមាត់ពូកែក្នុងការសម្តែងវោហាសព្ទជាសាធារណ: ក៏បានឡើងមកប្រកួតដណ្តើមយកជើងឯកវោហាសព្ទឆ្នើមនៃវេទិកា The Perspectives Cambodia ផងដែរ។

The Perspectives Cambodia បានទទួលការគាំទ្រពីក្រសួងអប់រំ យុវជន និងកីឡា។ ជាគ្នានេះដែរ កម្មវិធីនេះអាចដំណើរការទៅបានយ៉ាងល្អដោយទទួល ការ​ឩបត្ថម្ភធំពីក្រុមហ៊ុនផ្តល់ដំណោះស្រាយបច្ចេកវិទ្យា និងទូរគមនាគមន៏ (ITC) Huawei និងស្ថាប័ននានាជាច្រើនទៀត។

លោក Ni Kai អគ្គនាយករងផ្នែកលក់របស់ក្រុមហ៊ុន Huawei កម្ពុជា បានឱ្យដឹងថា ក្នុងនាមជាក្រុមហ៊ុនសាជីវកម្ម Huawei មានទំនួលខុសត្រូវ និងបាន​ប្តេជ្ញាចិត្តដើម្បីប្រតិបត្ដិការយូរអង្វែងនៅក្នុងប្រទេសកម្ពុជា។

ក្រុមហ៊ុន Huawei ផ្តោតលើការអភិវឌ្ឍទេពកោសល្យយុវជនក្នុងស្រុក អាស្រ័យហេតុនេះហើយទើប Huawei ចូលរួមគាំទ្រ The Perspectives Cambodia ដើម្បីលើកទឹកចិត្តយុវជនឱ្យ«បើកចំហព្រំដែន រួចនាំមកនូវប្រាជ្ញារួមគ្នាឆ្ពោះទៅកាន់របើកគំហើញថ្មី និងការអភិវឌ្ឍន៍នាពេលអនាគត»។

តាមរយ:នេះ Huawei សូមអរគុណចំពោះការគាំទ្រនូវផលិតផលរបស់យើងជិត 30 ឆ្នាំ ដែលបានជម្រុញឲ្យក្រុមហ៊ុន Huawei រីកចម្រើនធំធាត់ដូចសព្វថ្ងៃ។ដើម្បីញុាំងឲ្យវេទិកាតស៊ូមតិ និងវោហាសព្ទឆ្នើមនៃកម្មវិធី “The Perspectives Cambodia” កាន់តែរស់រវើក ក្រុមហ៊ុនស្មាតហ្វូនរបស់ Huawei បានធ្វើការផ្សាយផ្ទាល់លើគេហទំព័រហ្វេសបុក Huawei Mobile (https://www.facebook.com/huaweimobilekh/) ដែលអ្នកប្រើហ្វេសបុកអាចចូលរួមបញ្ចេញយោបល់ ពាក្យពេចន៍អធិប្យាយផ្សេងៗ ឬទស្សទាយថា តើក្រុម​ណាទទួលបានជ័យលាភីពីកម្មវិធី “The Perspectives Cambodia”។

ក្រុមហ៊ុន Android Smartphone Huawei នឹងជ្រើសរើសចម្លើយដែលត្រឹមត្រូវទាំងអស់យកមកធ្វើការចាប់ឆ្នោតផ្តល់សំណាង ដោយរង្វាន់ទី ១ មាននាឡិការសុខភាព Huawei B 0 ​តម្លៃ ៦០ ដុល្លារ រង្វាន់ទី២ Bluetooth Speaker តម្លៃ៣០ ដុល្លារ និងរង្វាន់ទី៣ អាវយឺត Huawei ចំនួនពីរ។ ក្រៅពីនេះ ក្រុមហ៊ុន Huawei កម្ពុជា បានផ្តល់នូវសេវាកម្មសម្អាតទូរស័ព្ទ និង Update Software ដល់លោក អ្នកគ្រូ និងសិស្សនិស្សិតទាំងអស់ដោយឥតគិតថ្លៃ ។

ក្រោមការជជែកវែកញែកបង្ហាញសមត្ថភាពរៀងៗខ្លួនយ៉ាងស្វិតស្វាញ និង ក្តៅកក់ដើម្បីដណ្តើមយកជ័យលាភីអស់ពេលយ៉ាងច្រើនម៉ោងរួចមក គណ:​កម្មការដាក់ពិន្ទុអព្យាក្រឹត្យឥតលម្អៀងបានបង្ហាញជើងឯក ឬម្ចាស់ជ័យលាភីនៃ វេទិកាតស៊ូមតិ និងវោហាសព្ទឆ្នើម The Perspectives Cambodia ប្រចាំឆ្នាំ ២០១៧។

លោក លី រតនា ជាអ្នកតំណាងឲ្យក្រុម យុវគុណវុឌ្ឍិ ម្ចាស់ជ័យលាភីវេទិកាតស៊ូមតិរបស់ The Perspectives Cambodia បានបង្ហាញចំណាប់អារម្មណ៍របស់ខ្លួនថា៖ “ខ្ញុំមានអារម្មណ៍​​សប្បាយរីករាយយ៉ាងខ្លាំងនៅពេលដែលក្រុមខ្ញុំបាទ អាចរួមប្រាជ្ញា កម្លាំងកាយ និងកម្លាំងចិត្ត តែមួយដើម្បីដណ្តើមយកជ័យលាភីថ្ងៃនេះ។

ខ្ញុំបាទសូមអរគុណ ចំពោះអ្នករៀបចំកម្មវិធី The Perspectives Cambodia​ និងម្ចាស់ឩត្ថម្ភ ហើយសង្ឃឹម និងជឿជាក់​ថា នឹងមានកម្មវិធីវេទិកាតស៊ូមតិរបស់ The Perspectives Cambodia​ ជាបន្តបន្ទាប់នាពេលខាងមុខ”។

ចំណែក ឯម្ចាស់ពាន់រង្វាន់វោហាសព្ទឆ្នើមនៃកម្មវិធី The Perspectives Cambodia​ កញ្ញា រិទ្ធ សានីតា ដែលបានលើកយកប្រធានបទ“ស្នេហា និងការសិក្សា តើគួរជ្រើសរើសមួយណា ឬយកទាំងពីរតែម្តង” បានឲ្យដឹង៖ “ខ្ញុំពិតជារំភើបណាស់ ហើយទីផុតខ្ញុំអាចធ្វើបាន! បើយើងចង់ឈ្នះ ត្រូវមានទំនុកចិត្តលើខ្លួនឯង និងហ្វឹកហាត់ឱ្យបានល្អ ត្រៀមខ្លួនជាស្រេចសម្រាប់ការប្រកួត”។

គួរបញ្ជាក់ថា កម្មវិធី The Perspectives Cambodia ត្រូវបានបញ្ចប់ទៅយ៉ាងរលូន ក្រោមកម្រងរូបថតអនុស្សាវរីយ៍ និងការប្រគល់ផ្តល់ពានរង្វាន់ដល់ម្ចាស់ជ័យលាភីតស៊ូមតិ និងវោហាសព្ទឆ្នើម និងរង្វាន់លើកទឹកចិត្តសម្រាប់ក្រុម និងអ្នកពុំបានទទួលជ័យលាភី៕