ព័ត៌មានបច្ចេកវិទ្យា

Acer ចេញកុំព្យូទ័រយួរដៃស្តើងបំផុតក្នុងលោក នៅពិព័រណ៍ CES 2018

ជាមួយកម្រាស់ត្រឹមតែ​ ៨.៩៨ មីល្លីម៉ែត្រ Acer Swift 7 ត្រូវបានប្រកាសថា​ ជាកុំព្យូទ័រយួរដៃដែលស្តើងជាងគេបំផុតក្នុងពិភពលោក នៅឯពិព័រណ៍ផលិតផលអេឡិចត្រូនិក CES 2018 នៅឯទីក្រុង Las Vegas។

បើយោងតាមក្រុមហ៊ុន Swift 7 នឹងចេញលើកលើទីផ្សារនៅខែមេសា ជាមួយតម្លៃចាប់ពី ១៦៩៩ ដុល្លារ។ កុំព្យូទ័រដ៏ស្តើងអស្ចារ្យថ្មីនេះ ត្រូវបានរចនាឡើងជាមួយតួលោហ:អាលុយមីញ៉ូមពណ៌ខ្មៅ បំពាក់អេក្រង់ស៊ុមស្តើងប្រភេទប៉ះបញ្ជាទំហំ ១៤ អីុញ និងភ្ជាប់មកជាមួយប្រព័ន្ធតភ្ជាប់ 4G LTE ប្របាច់ជាមួយអង់តែននៅក្នុងតួខ្លួន។

ក្រៅពីនេះ វាប្រើប្រាស់អង្គប្រតិបត្តិ Intel Core-i7 ជំនាន់ទី ៧, RAM ប្រភេទ LPDDR3 ទំហំ ៨ ជីហ្គាបៃយ៍ អង្គផ្ទុកទិន្នន័យប្រភេទ PCIe SSD ទំហំ ២៥៦ ជីហ្គាបៃយ៍ អេក្រង់ខ្នាត Full HD ក្រាលដោយស្រទាប់ការពារ Corning Gorilla Glass ក្តារចុចបង្កប់ភ្លើង Backlit បន្ទះស្កេនក្រយៅដៃគាំទ្រជាមួយមុខងារ Windows Hello របស់​ Microsoft និងថ្មកាន់បានយូរដល់ ១០ ម៉ោង៕

ប្រភពព័ត៌មាន: cnet

មតិយោបល់