ខណៈព្រឹត្តិការណ៍បើកបង្ហាញកាន់តែខិតចូលមកដល់ Huawei ត្រកូល P ស៊េរីថ្មី ទាំងបីម៉ូឌែល រួមមាន P20, P20 Lite និង P20 Pro ត្រូវបានគេទម្លាយឱ្យឃើញយ៉ាងច្បាស់ទាំងផ្ទៃអេក្រង់ខាងមុខ និងសម្បកខាងក្រោយ។
ក្នុងចំណោមសមាជិកត្រកូល P ទាំងបីម៉ូឌែល គឺមានតែម៉ូឌែល Pro មួយប៉ុណ្ណោះដែលបំពាក់កាមេរ៉ាក្រោយបី ប៉ុន្តែ អេក្រង់មុខរបស់ម៉ូឌែលនីមួយៗ គឺសុទ្ធតែឆកកណ្តាលត្រង់រង្វង់កាមេរ៉ាថត Selfie ស្រដៀងនឹង iPhone X ទាំងអស់។
ថ្មីៗនេះ Huawei បានបង្ហើបឱ្យដឹងតាមរយៈលិខិតអញ្ជើញសម្រាប់ព្រឹត្តិការណ៍បើកបង្ហាញផលិតផលថ្មីៗប្រចាំឆ្នាំរបស់ខ្លួន ដែលគ្រោងនឹងប្រព្រឹត្តទៅនៅថ្ងៃទី ២៧ មីនា ជាមួយពាក្យថា “Mooore with AI” ដែលវាជាតម្រុយមួយអាចឱ្យយើងរំពឹងថា កាមេរ៉ាបន្ថែមទី៣ នឹងមានមុខងារសម្រាប់ថតសម្គាល់វត្ថុ តាមបច្ចេកវិទ្យាបញ្ញាសិប្បនិម្មិត AI។
ដោយឡែក ម៉ូឌែល P20 Lite រាងខុសពីបងប្អូនទាំងពីររបស់វា ត្រង់បន្ទះស្គេនក្រយៅដៃ ដោយវាត្រូវបានរចនានៅសម្បកខាងក្រោយ ខណៈពីរម៉ូឌែលទៀត ឋិតនៅលើប៉ូតុង Home ផ្នែកខាងមុខ៕
Huawei P20, P20 Lite, and P20 Pro (top to bottom) pic.twitter.com/FK8iyxyQND
— Evan Blass (@evleaks) March 7, 2018
ប្រភពព័ត៌មានៈ engadget
មតិយោបល់