អាមេរិក៖ ប្រធានចាត់ការទូទៅ (COO) ក្រុមហ៊ុន Microsoft លោក Kevin Turner បានសម្រេចចិត្ត​ដើ​រ​ចេញ​ពី​ក្រុមហ៊ុន ដោយ​ទៅបម្រើការងារនៅក្នុងស្ថាប័នហិរញ្ញវត្ថុពិភពលោក Citadel LLC ជា​អនុប្រធានក្រុមប្រឹក្សាភិបាល និងជានាយកប្រតិបត្តិ (CEO)។ នេះ​បើយោងតាម​ការ​ចេញផ្សាយរបស់កាសែត Wall Street Journal នៅថ្ងៃទី០៨ ខែកក្កដា។

បុរសវ័យ ៥១ឆ្នាំរូបនេះ ត្រូវបានតែងតាំងជា COO ក្រុមហ៊ុន Microsoft នៅក្នុងអណត្តិលោក Steve Ballmer អតីតនាយកប្រតិបត្តិ ដែលបានលាឈប់ពីក្រុមហ៊ុនដោយសារតែ​លក់ឧបករណ៍ Surface មិនដាច់ និងធ្វើឲ្យ​ Microsoft ខាតបង់ទឹកប្រាប់រាប់លានដុល្លារ។

គួរបញ្ជាក់ផងដែរថា នៅមុនពេលចូលបម្រើការងារនៅក្នុងក្រុមហ៊ុន Microsoft លោក Turner ធ្លាប់ជាបុគ្គលិកជាន់ខ្ពស់​​នៅក្នុង​ក្រុមហ៊ុន​ Wal-Mart Steres Inc៕