ភ្នំពេញ: ក្រុមអ្នកសិក្សាស្រាវជ្រាវរបស់  វិទ្យាស្ថានស្រាវជ្រាវទីផ្សារអាមេរិក J.D. Power បង្ហាញថា រថយន្តម៉ាក Porsche បានទទួលជ័យជម្នះជាថ្មីម្តងទៀត  ក្នុងចំណាត់ថ្នាក់ជាម៉ាកដែលមានកិត្យានុភាពល្អប្រពៃទូទៅ ម៉ូដែល 911  ម៉ូដែល Boxster និងម៉ូដែល Macan នៅតែឈរជើងលេខរៀងទី១ ក្នុងចំណោមរថយន្តដែលពេញនិយមបំផុតនៅលើពិភពលោក។

J.D. Power អះអាងទៀតថា នៅក្នុងការសិក្សាស្រាវជ្រាវ ក្នុងចំណោមម្ចាស់រថយន្តថ្មីប្រមាណជាង៨០,០០០ នាក់ ដែលបានឲ្យតម្លៃទៅលើរថយន្តប្រម៉ាណជាង២៤៥ម៉ូដែល របស់ក្រុមហ៊ុនផលិតរថយន្តធំៗចំនួន៣៣នៅក្នុង១០ប្រភេទដែលមកពីបណ្តារប្រទេសនៅអឺរ៉ុប។

លទ្ធផលនៃការធ្វើស្ថិតិអតិថិជន បានបញ្ជាក់យុទ្ធសាស្រ្តរបស់Porsche  ដែលបានសំរិតសំរាំងបំពេញចិត្តអតិថិជនរបស់ខ្លួន ។ លោក Oliver Blume ប្រធានក្រុមប្រក្សាប្រតិបត្តិនៃក្រុមហ៊ុន Porsche AG បានលើកឡើងថា “នៅចំចំណុចកណ្តាលនៃការប្រុងប្រយ័ត្ននៅគ្រប់ផ្នែកទាំងអស់នៃអាជីវកម្ម គឺជាការចង់បាន និងចំណូលចិត្តរបស់អតិថិជន។ វាមិនមែនសំដៅតែទៅលើផលិតផលទេ ប៉ុន្តែគឺសេវានិងទំនាក់ទំនងជាមួយអតិថិជន នៅជុំវិញពិភពលោកដែលជារឿងសំខាន់បំផុតរបស់យើង»។

ការចាត់ចំណាត់ថ្នាក់កំពូលជាថ្មីសម្រាប់ម៉ាក Porsche មានន័យថា អ្នកផលិតរថយន្តស្ព័រ បានទទួលជោគជ័យ  នៅឈរលើចំណាត់ថ្នាក់ខ្ពស់បំផុត  សម្រាប់លក្ខណ:ទូទៅនៃជ័យ- ជំន:លើកទី១២របស់ខ្លួន។ ចាប់តាំងពីឆ្នាំ២០០៤មក  អតិថិជននៅសហរដ្ឋអាមេរិក បានបង្ហាញថា រថយន្តស្ព័រដែលមកពី Zuffenhausen បានធ្វើឲពួកគេមានការពេញចិត្តជាខ្លាំង។ ជាមួយនឹងពិន្ទុ ចំនួន ៨៧៧ នៃចំនួនសរុបប្រមាណជា ១០០០ ពិន្ទុ  Porsche បានឈរនៅលេខរៀងទី១ជាថ្មីម្តងទៀតហើយនៅក្នុងឆ្នាំនេះ។

នៅក្នុងការសិក្សាស្រាវជ្រាវរបស់ APEAL  ដែលបានធ្វើឡើងប្រមាណ១ឆ្នាំកន្លងមកហើយនោះ  ការធ្វើស្ថិតិរបស់ J.D. Power ទៅលើម្ចាស់រថយន្តថ្មីក្នុងរយ:ពេល ៩០ ថ្ងៃបន្ទាប់ពីពួកគេបានទទួលរថយន្តរបស់ខ្លួន។  នៅក្នុងការស្រាវជ្រាវដែលមានការប្រែសម្រួលលើកទី២១ នៅក្នុងឆ្នាំនេះ  បានចោទជាសំណួរអំពីអ្នកបើករថយន្តថ្មី នៅសហរដ្ឋអាមេរិក ទៅលើលក្ខណ:ទាំង៧៧ប្រភេទ នៅក្នុងផ្នែកទាំង១០ ក្នុងចន្លោះខែវិច្ឆិកា ឆ្នាំ២០១៥ និង ខែកុម្ភ: ឆ្នាំ២០១៦។ ក្នុងចំណោមលទ្ធផលជោគជ័យដែលផ្តល់មកដោយម្ចាស់រថយន្តទាំងនោះ គឺសោភ័ណភាពផ្នែកខាងក្នុងនិង ការបើកបរប្រកបដោយថាមពល៕