នេប៉ាល់: រដ្ឋមន្រ្តីរដ្ឋាភិបាលម្នាក់បាននិយាយឲ្យដឹងថា មនុស្សប្រមាណ ១០២ នាក់បានស្លាប់ ខណ:ដែល ២៧៧គ្រួសារត្រូវបានផ្លាស់ទីលំនៅនៅក្នុងរយ:ពេលមួយ សប្តាហ៍ ដោយសារ​ទឹកជំនន់និងបាក់ដី ដែលបង្កឡើងដោយភ្លៀងធ្លាក់ឥតឈប់ឈរក្នុងស្រុកចំនួន ៤៣ផ្សេងគ្នា នៅប្រទេស​នេប៉ាល់។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅថ្ងៃទី០២ សីហា ឆ្នាំ២០១៦។

កន្លែងស្នាក់នៅរបស់មនុស្ស ២២នាក់គេមិនទាន់ស្គាល់អត្តសញ្ញាណនិង ៥៨នាក់ផ្សេងទៀតបានរងរបួស បន្ទាប់ពីការរអិលបាក់ដីដែលបង្កឡើងដោយភ្លៀងយ៉ាងខ្លាំងនៅក្នុងតំបន់កណ្តាលភាគខាងកើតនិងភាគខាងលិចនៃប្រទេសនេះ។

ស្រុកចំនួន ១០ ដែលរងគ្រោះខ្លាំងបំផុតដោយទឹកជំនន់និងការបាក់ដី រួមមាន Pyuthan, Gulmi, Palpa, Baglung, Makawanpur, Rupandehi, Kathmandu Arghakhanchi, Dolakha និង Sarlahi។

លោករដ្ឋមន្រ្តីក្រសួងការពារជាតិ Bhim Rawal បានជម្រាបជូនសម័យប្រជុំសភាថា រដ្ឋាភិបាលបានបម្រុង​ទុកលុយ ៧៥០លានរ៉ូពីនេប៉ាល់រួចហើយ តាមរយ:ក្រសួងមហាផ្ទៃ ដើម្បីដោះស្រាយការ​បំផ្លាញនាពេល​បច្ចុប្បន្ននេះ ដោយសារតែគ្រោះទឹកជំនន់និងការរអិលបាក់ដីនៃការតាំងទីលំនៅនៅទូទាំងប្រទេស៕