Post News Media ព័ត៌មានបច្ចេកវិទ្យា WhatsApp និង ...

WhatsApp និង Telegram កំពុងប្រឈមមុខក្នុងការបិទនៅបារាំង និងអាល្លឺម៉ង់

បារាំង៖ រដ្ឋមន្ត្រីក្រសួងមហាផ្ទៃបារាំង និងអាល្លឺម៉ង់ កំពុងតែតស៊ូមតិជាមួយនឹង​ស្ថាប័នតុលាការ ដើម្បី​ធ្វើការហាមឃាត់ ឬរឹងបន្តឹងទៅលើ​ការប្រើប្រាស់កម្មវិធីជជែកកម្សាន្តដូចជា Facebook, , WhatsApp និង Telegram ជាដើម។

លោក Bernard Cazeneuve រដ្ឋមន្ត្រីក្រសួងមហាផ្ទៃបារាំង និងលោក Thomas de Maiziere រដ្ឋមន្ត្រី​ក្រសួងមហាផ្ទៃអាល្លឺម៉ង់ បានបញ្ជាក់នៅក្នុងកិច្ចប្រជុំ​ប្រយុទ្ធប្រឆាំង​នឹងអំពើភេរវកម្មនៅក្នុងទីក្រុង​ប៉ារីស ថា បច្ចុប្បន្ន WhatsApp និង Telegram បានធ្វើការ Encrypt ទៅលើសារនៃការសន្ទនា ដែល​ជា​មូលហេតុមិនអាចធ្វើការ​រដ្ឋាភិបាលគ្រប់គ្រងបាន ព្រោះកន្លងមកនេះ WhatsApp និង Telegram ជាកម្មវិធីមួយ ដែល​ក្រុមភេរវករប្រើប្រាស់​ដើម្បីទាក់ទំនងធ្វើភេរវកម្ម។

គួរបញ្ជាក់ផងដែរថា ទីភ្នាក់ងារស៊ើបការសម្ងាត់របស់​បារាំង បានបង្ហាញឲ្យដឹងថា ក្រុមឧទ្ទាម ISIS បានប្រើប្រាស់ Telegram ក្នុងការអំពាវនាវកៀរករសមាជិកមកពីបណ្ដាប្រទេសផ្សេងៗនៅលើ​ពិភពលោក៕

whatsApp & telegram clost

Loading...