ព័ត៌មានបច្ចេកវិទ្យា

WhatsApp កែប្រែច្បាប់ថ្មី និងបានផ្ដល់ទិន្នន័យអ្នកប្រើប្រាស់ទាំងអស់ទៅឲ្យ Facebook

អាមេរិក៖ ក្រុមហ៊ុន WhatsApp នៅថ្ងៃនេះ បានប្រកាសឲ្យដឹងថា ខ្លួននឹងធ្វើការកែប្រែនូវលក្ខខណ្ឌ និង​គោលការណ៍ច្បាប់​មួយ​ចំនួន ដែលករណីនេះមិនធ្លាប់មានឡើយចាប់តាំងពី Facebook ទិញក្នុងឆ្នាំ ២០១៤។

នៅក្នុងសេចក្ដីប្រកាសឲ្យបានឲ្យដឹងផងដែរថា WhatsApp នឹងធ្វើការចែករំលែកនូវ​ទិន្នន័យរបស់អ្នកប្រើប្រាស់ (Sharing user data) ជាមួយនឹងបណ្ដាញសង្គម Facebook ដែលជាមេធំរបស់ខ្លួន។ ការកែប្រែលក្ខខណ្ឌ ក៏ដូចជា​ការ​ចែករំលែក​ទិន្នន័យអ្នកប្រើប្រាស់ជាមួយ Facebook នេះ ត្រូវបាន WhatsApp ពន្យល់ថា វាធ្វើឡើងដើម្បីផ្ដល់ភាពងាយស្រួល​ដល់​អ្នកប្រើប្រាស់ ប៉ុន្តែបើតាមការយល់ឃើញរបស់ក្រុមអ្នកឃ្លាំមើលវិញ គឺ WhatsApp និង Facebook កំពុងតែសហការ​គ្នា​ដើម្បីរកលុយ។

គួរបញ្ជាក់ផងដែរថា Facebook បានចំណាយលុយ ១៩ពាន់លានដុល្លារអាមេរិក ដើម្បីទិញ WhatsApp កាលពីថ្ងៃទី១៩ ខែកុម្ភ: ឆ្នាំ២០១៤ ហើយមកដល់ពេលនេះ ចំនួនអ្នកប្រើ WhatsApp បានកើនឡើងដល់ជាង ១ពាន់​លាននាក់ ខណ:ដែលអ្នកប្រើ Facebook សរុបមានចំនួនជាង ១ ,៦ពានលាននាក់៕

facebook-whatsapp

មតិយោបល់