ព័ត៌មានបច្ចេកវិទ្យា

Galaxy Note 7 ធ្វើឲ្យ Samsung ខាតបង់ ១ពាន់លានដុល្លារ

អាមេរិក: ក្រុមហ៊ុន Samsung ប្រហែលជាត្រូវចំណាយ ១ពាន់លានដុល្លារអាមេរិក ទៅលើគម្រោង​ប្រកាសប្រមូល​ស្មាតហ្វូន Galaxy Note 7 ចំនួន ២.៥លានគ្រឿង ដែលគម្រោងនេះនឹងត្រូវធ្វើឡើងតែ ២សប្ដាហ៍ប៉ុណ្ណោះ។

ទូរទស្សន៍ Bloomberg បានចេញផ្សាយថា ការប្រកាសប្រមូល Samsung Galaxy Note 7 នៅជុំវិញពិភពលោក ដើម្បីផ្លាស់ប្ដូរថ្មី បន្ទាប់ពីកើតមានករណីផ្ទុះឆេះ ខណ:ពេលកំពុងសាកថ្ម គឺ Samsung អាចនឹងត្រូវ​ចំណាយ​លុយយ៉ាងហោចណាស់ ១ពាន់លានដុល្លារអាមេរិក ដែលនេះជាការចំណាយសរុប។

មិនត្រឹមតែមានការចំណាយខ្ពស់រហូតដល់ ១ពាន់លានដុល្លារអាមេរិកប៉ុណ្ណោះទេ ការប្រកាសប្រមូលនេះ ក៏បាន​កាត់បន្ថយ​ប្រាក់ចំណូលរបស់ក្រុមហ៊ុនប្រមាណជា ៥ភាគរយ ហើយអាចនឹងប៉ះពាល់ដល់ប្រជាប្រិយភាពថែមទៀត​ផង ខណ:ដែល​វត្តមាន iPhone ជំនាន់ថ្មីជិតដល់ថ្ងៃបង្ហាញខ្លួន៕

Samsung-Galaxy-Note-7-Recall

មតិយោបល់