Post News Media ព័ត៌មានបច្ចេកវិទ្យា ចង់ដឹងទេថា Ja...

ចង់ដឹងទេថា Jack Ma ជះលុយប៉ុន្មានដើម្បីបង្កើត Alibaba ទើបល្បីល្បាញដូចសព្វថ្ងៃ?

ភ្នំពេញ៖ បច្ចុប្បន្ន Jack Ma បានក្លាយជាកំពូលមហាសេដ្ឋីមួយរូប ជាមួយនឹងភាពជោគជ័យរបស់ Alibaba។ តើលោកអ្នកចង់ដឹងទេថា លោក Jack Ma កសាង Alibaba ដោយវិធីណា និង​ចំណាយទឹកប្រាក់​ចំនួនប៉ុន្មាន?

មានថ្ងៃមួយ មិត្តភ័ក្តិរបស់លោកម្នាក់បានពឹងឲ្យជួយទៅទារលុយវិនិយោគពី​​អ្នកជំនួញ​ជនជាតិ​អាមេរិក​ម្នាក់។ ពេលទៅដល់អាមេរិក Ma ត្រូវបានបុរសអាមេរិករូបនោះគំរាមសម្លាប់ និងបានយកកាំភ្លើង​មកភ្ជុងក្បាល ប៉ុន្តែក្រោមមកបានចរចាគ្នាត្រូវ ​និងបានសន្យាថា នឹងជួយបង្កើតអាជីវកម្មមួយឲ្យ Jack Ma វិញនៅស្រុកចិន ក្នុងនាមជា​ដៃ​គូ​សហការ។

អាជីវកម្មដែល​បុរសអាមេរិកនោះចង់សហការជាមួយគឺពាក់ព័ន្ធនឹង​អ៊ីនធើណែត និងកុំព្យូទ័រ ប៉ុន្តែអ្វីដែល​សំខាននោះគឺថា Jack Ma យល់ដឹងតិចបំផុតពាក់ព័ន្ធនឹង​អ៊ីនធើណែត និងកុំព្យូទ័រ។ នៅថ្ងៃមួយក្នុងឆ្នាំ ១៩៩៩ លោក Ma បានប្រមូលផ្ដុំមនុស្ស ១៨នាក់ ដែលសុទ្ធសឹងតែមនុស្ស​ជិត​ស្និទ្ធ និងអ្នកដែលចង់រកស៊ីជាមួយ មកប្រជុំគ្នានៅផ្ទះរបស់គាត់។ Jack Ma បានលើកយកពីគម្រោងបង្កើត​ Alibaba ឡើង ហើយពេលនោះមនុស្សទាំង ១៨នាក់ បាន​យល់ព្រម និងប្រមូលប្រាក់បាន ៦ម៉ឺនដុល្លារ​អាមេរិក ដើម្បីកសាង Alibaba។ ចាប់តាំងពីនោះមក Alibaba ចេះតែរីកចម្រើនឡើង​នៅក្នុង​ប្រទេស​ចិន រហូតក្លាយជាក្រុមហ៊ុនលក់ទំនិញអនឡាញយក្ស ហើយកាលពីខែកញ្ញា​ ឆ្នាំ ២០១៤ ក្រុមហ៊ុន Alibaba បានលក់ IPO នៅអាមេរិក​ទទួលបានប្រាក់ ២៥ពាន់លានដុល្លារអាមេរិក ខណ:ដែលនៅពេលនេះ ​លោក Ma វិញត្រូវបានទស្សនាវដ្ដី Forbes ប៉ាន់ប្រមាណថា មានលុយជាង ២៩ពាន់លាន​ដុល្លារ​អាមេរិក៕

jack-ma-alibaba

Loading...