ក្រុមហ៊ុនផលិតរថយន្ត​ Mazda បានប្រកាសប្រមូលរថយន្ត​ចំនួន ២,៣ លានគ្រឿង នៅទូទាំងពិភពលោក ខណៈដែលមានបញ្ហាទ្វារ​គូថរថយន្ត​ខាងក្រោយ​ និងបញ្ហា​ម៉ាស៊ីនម៉ាស៊ូត ។​
យោងតាម autoguide ចុះផ្សាយនៅដើមខែកញ្ញា នេះបានឲ្យដឹងថា ចំណោមរថយន្ត​៦ម៉ូដែលលផ្សេងគ្នា ក្នុងនោះ ម៉ូដែល Mazda3 និង CX-3 ផ្នែកសន្ទះ​កន្ទុយ​រថយន្តខាងក្រោយ​ និងកន្លែងដាក់អ៊ីវ៉ាន់ អាចនឹងដាច់ ដោយសារច្រេះស៊ី ព្រោះតែ​ធ្វើខុស​បច្ចេកទេស ដែលបានផ្តល់ឲ្យ​។​

រថយន្តដែលមានបញ្ហាខាងលើ ចំនួន ៣៩០ ០០០ គ្រឿង គឺបានប្រមូលមកវិញ នៅជប៉ុន ខណៈដែល ១,៨ លានគ្រឿង នឹងប្រកាសប្រមូលនៅទូទាំងពិភពលោក​។​ សម្រាប់រថយន្ត ដែលមានបញ្ហានៅអាម៉េរិកវិញ ត្រូវបានក្រុមហ៊ុនរថយន្ត មួយនេះ ព្យាយាមបិទ​ព័ត៌មានយ៉ាងជិត​តែម្តង ហើយបញ្ហាគ្រោះថ្នាក់ ឬរបួស ក៏មិនត្រូវបានទម្លាយចេញ ដូចគ្នា ។​

ជាមួយនឹងគ្នានេះដែរ ក្រុមហ៊ុនផលិតរថយន្ត Mazda ក៏បានប្រកាសប្រមូលរថយន្ត ចំនួន ១១០ ០០០ គ្រឿង​នៅជប៉ុន មានបញ្ហា​លើកម្មវិធីដែលជាម៉ូដែល ប្រើម៉ាស៊ីនម៉ាស៊ូត ៕​