ផ្ទះ ព័ត៌មានជាតិ ស្ពានបេតុងព្រ...

ស្ពានបេតុងព្រែកឌុយ ឃុំពោធិបាន ស្រុកកោះធំ ត្រូវបានចាប់ផ្តើមបើកការដ្ឋានព្រឹកមិញ

0

ភ្នំពេញ: ព្រឹកថ្ងៃសៅរិ៍ ទី០៣ ខែកញ្ញា ឆ្នាំ២០១៦ លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និង ដឹកជញ្ជូន និងជាប្រធានក្រុមការងារថ្នាក់ជាតិ ចុះជួយស្រុកកោះធំ ធ្វើជាអធិបតីក្នុង ពិធីបើកការដ្ឋានសាងសង់ស្ពានបេតុងព្រែកឌុយ ស្ថិតនៅភូមិព្រែកម្រេញ ឃុំពោធិបាន ស្រុងកោះធំ ខេត្តកណ្តាល ដែលមានបណ្តោយប្រវែង១៥ម៉ែត្រ និងទទឹង៨ម៉ែត្រ។ នេះបើតាមផេកហ្វេសប៊ុករបស់ក្រសួងសាធារណការ និង ដឹកជញ្ជូន ចេញផ្សាយនៅថ្ងៃព្រឹកថ្ងៃសៅរ៍នេះ។

ពិធីនេះ ត្រូវបានចូលរួមដោយថ្នាក់ដឹកនាំក្រសួង គណ:ពង្រឹងស្រុកកោះធំ និងមន្ត្រីអាជ្ញាធរស្រុកកោះធំ ព្រមទាំងប្រជាពលរដ្ឋ ប្រមាណ ៥០០នាក់។ ស្ពានបេតុងថ្មីនេះ ត្រូវចំណាយថវិកា សរុប ៦០៤,១០២,០០០រៀល ដែលនឹងត្រូវបញ្ចប់ការសាងសង់នៅដើមឆ្នាំ២០១៧ខាងមុខនេះ។

ក្នុងពិធីសំណេះសំណាលជាមួយប្រជាពលរដ្ឋនៅភូមិព្រែកម្រេញ ឃុំពោធិបាន លោក ទេសរដ្ឋមន្ត្រី បានផ្តាំផ្ញើរដល់មន្ត្រីមូលដ្ឋាន និងអាជ្ញាធរទាំងអស់ ត្រូវគោរពស្រឡាញ់ ស្មោះត្រង់ និងប្រឹងប្រែងបម្រើបងប្អូនប្រជាពលរដ្ឋឲ្យបានល្អ ស្របតាមអនុសាសន៍ណែនាំរបស់ សម្តេចតេជោ នាយករដ្ឋមន្ត្រី និងជាប្រមុខដឹកនាំគណបក្សប្រជាជនកម្ពុជា។
ឆ្លៀតឱកាសនោះដែរ លោកបានជំរុញឲ្យបងប្អូនប្រជាពលរដ្ឋទាំងអស់ ទៅចុះឈ្មោះបោះឆ្នោតឲ្យបានគ្រប់គ្នា ដើម្បីត្រៀមខ្លួនជ្រើសរើសគណបក្សនយោបាយណាដែលបងប្អូនស្រឡាញ់ និងទុកចិត្តបំផុត ហើយដែលបានបម្រើបងប្អូនច្រើនជាងគេ ជាពិសេក្នុងឃុំពោធិបាននេះ។

នៅព្រឹកថ្ងៃដដែលនេះ ក៏មានការបើកការដ្ឋានសាងសង់ ផ្លូវក្រាលគ្រួសក្រហម ប្រវែង៦.១៥០ម៉ែត្រ និង ផ្លូវចាក់បេតុងអារបេ ប្រវែង១.២០០ម៉ែត្រ នៅភូមិល្វាទោង ឃុំកំពង់កុង ស្រុកកោះធំដោយលោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និង ដឹកជញ្ជូននិងជាប្រធានក្រុមការងារថ្នាក់ជាតិ ចុះជួយស្រុកកោះធំ ធ្វើអញ្ជើញជាអធិបតីភាពក្នុងពិធី បើកការដ្ឋានសាងសង់ផ្លូវក្រាលគ្រួសក្រហម ប្រវែង៦.១៥០ម៉ែត្រ ទទឹង៦ម៉ែត្រ និង ផ្លូវចាក់បេតុងអារបេ ប្រវែង១.២០០ម៉ែត្រ ទទឹង៥ម៉ែត្រ នៅភូមិល្វាទោង ឃុំកំពង់កុង ស្រុងកោះធំ ខេត្តកណ្តាល។

ផ្លូវនេះបម្រើដល់ប្រជាពលរដ្ឋ ចាប់ផ្តើមត្រង់ចំណុចបំបែកផ្លូវជាតិលេខ១១០ ឆ្ពោះទៅភូមិដំរីលើ ត្រង់ចំណុចផ្លូវទិញ ដែលត្រូវចំណាយថវិកាសរុប ៣,៣៦០,០០០៛ ហើយនឹងត្រូវបញ្ចប់ការសាងសង់ នាដើមឆ្នាំ២០១៧ខាងមុខនេះ៕

14183713_567834840067527_208058395926499707_n 14184460_567858770065134_6926859159159902238_n 14192537_567859016731776_4500447998755478159_n 14192598_567834913400853_6271426778237397512_n 14199368_567858760065135_5651934945087485086_n 14202701_567834843400860_3429176850507219884_n 14222149_567859060065105_1263187198158109151_n 14225598_567834743400870_6948661443114153996_n (1) 14225616_567858743398470_3044285580744666828_n 14232398_567859033398441_1943593653144069036_n

មតិយោបល់

Loading...