Post News Media ព័ត៌មានបច្ចេកវិទ្យា កំពូលមហាសេដ្ឋ...

កំពូលមហាសេដ្ឋី Facebook បរិច្ចាគ ៣ពាន់លានដុល្លារ ដើម្បីប្រយុទ្ធប្រឆាំងជំងឺគ្រប់ប្រភេទ

សាន់ហ្វ្រង់ស៊ីស្កូ: កំពូលមហាសេដ្ឋីវ័យក្មេងលោក Mark Zuckerberg និង​ភរិយាគឺលោកស្រីវេជ្ជបណ្ឌិត Priscilla Chan បាន​ប្រកាសឲ្យពិភពលោកដឹងថា ពួកគេទាំងពីរនឹងផ្ដល់ប្រាក់ ៣ពាន់លានដុល្លារអាមេរិក សម្រាប់រយ:ពេល ១០ឆ្នាំ ក្នុងការការពារ ទប់ស្កាត់ និង​គ្រប់គ្រងជំងឺគ្រប់ប្រភេទ រហូតដល់​បំណាច់សតវត្សរ៍ ទី២១។

លោក Mark Zuckerberg បានបង្កើតនៅលើ Facebook Page ផ្ទាល់ខ្លួនថា បច្ចុប្បន្នមានមនុស្សស្លាប់​ដោយសារជំងឺ៤ប្រទេស ជំងឺបេះដួង (១០.៨លាននាក់) ជំងឺមហារីក (៨.២លាននាក់) ជំងឺឆ្លង (៨.៥លាននាក់) និងជំងឺប្រព័ន្ធប្រសាទ (៦.៨លាននាក់)។ «តើពួកយើង អាចបង្ការ (ការពារ) ជំងឺទាំងអស់ ពេលពេញមួយជីវិតរបស់កូនយើងបានទេ?» នេះជាអ្វីដែលគូស្នេហ៍មនុស្សធម៌ខាងលើបានថ្លែង។

មេធំ Facebook រូបនេះ ធ្លាប់បាននិយាយថា វត្តមានកូនស្រីរបស់លោក នឹងកែប្រែពិភពលោក​នាពេលអនាគត ហើយអ្វីដែលលោកបានធ្វើនៅពេលនេះគឺដើម្បីការពារជីវិតកូនស្រីរបស់លោកឲ្យគេចផុតពីជំងឺពេញមួយជីវិត​របស់នាង ហើយលោកក៏មិនចង់ឲ្យអ្នកផ្សេងស្លាប់ដោយសារជំងឺផងដែរ ដូច្នេះទើបលោកសម្រេចចិត្ត​បង្កើត​ជា​គម្រោងនេះឡើង។

ជាមួយគ្នានោះផងដែរ កំពូលមហាសេដ្ឋីមានលុយច្រើនជាងគេគឺលោក Bill Gates បានស្ងោចសរសើរដល់​លោក Mark Zuckerberg និងបរិយា​ដែលមានសណ្ដានចិត្ត ចូលរួមនៅក្នុងសង្គម ខណ:ដែលលោក (Bill Gates) និងភរិយាគឺលោក Melinda បានចូលរួមនៅក្នុងសង្គមយ៉ាងខ្លាំង ក្នុងការប្រយុទ្ធប្រឆាំងនឹងជំងឺគ្រុនស្វិតដៃជើង និងជំងឺគ្រុនចាញ់៕

zuckerberg

chan-gates-mark