អាមេរិក: អស់រយ:ពេល ៥ឆ្នាំមកហើយ ដែលជម្លោះរវាងប៉ាតង់រវាងក្រុមហ៊ុន Apple និង Samsung មិនទាន់ត្រូវបានបញ្ចប់ ខណ:ដែលបច្ចុប្បន្ន Samsung ជាក្រុមហ៊ុនផ្គត់ផ្គង់ធំមួយ និងដ៏សំខាន់របស់ Apple។
យោងតាមការចេញផ្សាយរបស់សារព័ត៌មាន Reuters នៅថ្ងៃនេះ បានឲ្យដឹងថា តុលាការបានកោះហៅក្រុមហ៊ុន Apple និង Samsung ឲ្យចូលខ្លួនចរចា ដើម្បីបញ្ចប់ជម្លោះប៉ាតង់តាំងពីឆ្នាំ ២០១១ ដែលក្រុមហ៊ុន Apple បានប្ដឹង Samsung ក្នុងបទចោទប្រកាន់ថា បានរំលោភលើប៉ាតង់ជាច្រើនទាក់ទងនឹង iPhone ជាពិសេសគឺប៉ាតង់ផ្នែករចនា។
កាលពីឆ្នាំកន្លងទៅនេះ តុលាការជាន់ខ្ពស់អាមេរិក បានបញ្ជាឲ្យក្រុមហ៊ុន Samsung ផ្ដល់សំណងជាទឹកប្រាក់ ៥៤៨លានដុល្លារអាមេរិក ដល់ Apple បន្ទាប់ពីរកឃើញថា Samsung បានរំលោភប៉ាតង់មួយចំនួនរបស់ Apple ប៉ុន្តែ Samsung បានជជែកតវ៉ា ទាមទារព្រមសងតែ ៣៩៩លានដុល្លារអាមេរិកតែប៉ុណ្ណោះ។
នៅក្នុងសប្ដាហ៍នេះដែរ តុលាការជាន់ខ្ពស់អាមេរិក ទំនងជាតម្រូវឲ្យ Apple និង Samsung បញ្ចប់ទៅលើជម្លោះប៉ាតង់ទាក់ទងនឹងការរចនា រួមទាំងប៉ាតង់មួយចំនួនទៀត ប៉ុន្តែគេមិនដឹងថា ក្រុមហ៊ុនបច្ចេកវិទ្យាយក្សទាំងពីរនេះ យល់ព្រមបញ្ចប់ ឬមួយយ៉ាងណានោះទេ៕
មតិយោបល់