អាមេរិក: ក្រុមហ៊ុន Apple បានព្រមានដល់អតិថិជនរបស់ខ្លួន ដែលមានបំណង ឬក៏ធ្លាប់បានទិញនូវផលិតផលរបស់ខ្លួន តាមរយ:ក្រុមហ៊ុនលក់ទំនិញអនឡាញ Amazon ឲ្យប្រុងប្រយ័ត្ន ព្រោះថាមានជាង ៩០ភាគរយជារបស់ក្លែងក្លាយ។
ក្រុមហ៊ុន Apple បានឲ្យដឹងថា ឧបករណ៍សាកថ្ម និងខ្សែ សម្រាប់ឧបករណ៍ ដែលដាក់លក់នៅលើគេហទំព័រ Amazon គឺមានរហូតដល់ ៩០ភាគរយ ជារបស់ក្លែងក្លាយ ដែលព័ត៌មាននេះ បានធ្វើឲ្យមានការភ្ញាក់ផ្អើលយ៉ាងខ្លាំង ព្រោះថា Amazon ជាក្រុមហ៊ុនលក់ទំនិញអនឡាញយក្សរបស់អាមេរិក ចុះហេតុអ្វីជាលក់ទំនិញក្លែងក្លាយទៅវិញ?
ក្រុមហ៊ុន Apple ធ្លាប់បានប្រកាស និងណែនាំម្ដងរួចទៅហើយដល់អតិថិជនរបស់ខ្លួនឲ្យប្រុងប្រយ័ត្ន ព្រោះថាបើសិនជាប្រើប្រាស់ឧបករណ៍សាកថ្មក្លែងក្លាយ អាចនឹងបណ្ដាលឲ្យឆក់ស្លាប់បាន៕
មតិយោបល់