កាណាដា: ក្រុមហ៊ុន Samsung បានជួបរឿងស៊យផ្ទួនៗ ដោយសារតែ Galaxy Note 7 ផ្ទុះឆេះ ដែលបានធ្វើឲ្យខាតទឹកប្រាក់រាប់ពាន់លានដុល្លារអាមេរិក ប៉ុន្តែនៅពេលនេះ រឿងស៊យមួយ​ទៀត​បានកើតឡើងចំពោះ Samsung។

ក្រុមហ៊ុន Samsung បានប្ដូរ Galaxy S7 ឬ S7 Edge ឲ្យអតិថិជន Note 7 ប៉ុន្តែនៅថ្ងៃនេះ អ្នក​ប្រើប្រាស់ S7 Edge ម្នាក់បានបង្ហោះសារ និងរូបភាពនៅលើបណ្ដាញសង្គម Google+ ថា S7 Edge របស់គាត់បានផ្ទុះឆេះនៅក្នុងរថយន្ត។

លោក Elisha Loewen បានរៀបរាប់ថា ស្មាតហ្វូន S7 Edge របស់គាត់ត្រូវបានទុកនៅក្នុង​រថយន្ត ប្រហែលជាប៉ុន្មាននាទីចុងក្រោយ ស្រាប់តែមានផ្សែងហុយពេញក្នុងរថយន្ត រំពេញនោះ គាត់បាន​បើកទ្វាររថយន្ត និងបានបោះទូរស័ព្ទនោះទៅលើផ្ទៃទឹកកក និងបានទាក់ទងទៅខាង​ក្រុមហ៊ុន Bell ដើម្បីរាយការណ៍។

គួរបញ្ជាក់ផងដែរថា នេះជាករណីទី៣ ហើយ ដែល S7 Edge ផ្ទុះឆេះ នៅក្នុងអំឡុងខែនេះ ដោយ​ដំបូងឡើងបានកើតឡើងនៅហ្វីលីពីន និងសហរដ្ឋអាមេរិក​ និងទី៣នេះ គឺនៅកាណាដា៕