ព័ត៌មានសេដ្ឋកិច្ច

ស្ពានបណ្តែតទឹក២២០ម៉ែត្រ ឆ្លងទៅអង្គរវត្ត ចាប់ផ្តើមសាងសង់ហើយ

ស្ពានហាលឆ្លងទៅប្រាសាទអង្គរវត្ត នឹងផ្អាកចរាចរណ៍ទាំងស្រុង ជំនួសដោយស្ពានបណ្តែតទឹក ដែលមានប្រវែង ២២០ម៉ែត្រ ចាប់ផ្តើមសាងសង់ហើយ។ នេះបើយោងតាមសេចក្តីជូនដំណឹងរបស់អាជ្ញាធរជាតិអប្សរា ចេញផ្សាយកាលពីម្សិលមិញនេះ។

ស្ពានបណ្តែតទឹកបណ្តោះអាសន្ន មានទទឹង ១០ម៉ែត្រ និងបណ្តោយ ២២០ម៉ែត្រ គ្រោងនឹងបញ្ចប់ការសាងសង់នៅចុងខែឧសភា ឆ្នាំ ២០១៧។

ពោងបណ្តែតទឹក ប្រើប្រាស់ដើម្បីសាងសង់ស្ពាននេះ គឺយកមកពីប្រទេសកាណាដា ដែលមានការធានាគុណភាព និងសុវត្ថិភាពត្រឹមត្រូវ រយ:ពេល ៥ឆ្នាំ។

អាជ្ញាធរជាតិអប្សរា មានកិច្ចសហការជាមួយសាកលវិទ្យាល័យសូហ្វីយ៉ាប្រទេសជប៉ុន នឹងធ្វើការងារជួសជុលស្ពានហាលប្រាសាទអង្គរវត្ត ដំណាក់កាលទី ២ ដែលតម្រូវឲ្យបិទចរាចរណ៍ទាំងស្រុង។

ដូច្នេះភ្ញៀវទេសចរណ៍ជាតិ នឹងអន្តរជាតិ អាចឆ្លងកាត់ទៅទស្សនាប្រាសាទអង្គរវត្ត ដោយប្រើប្រាស់ស្ពានបណ្តែតទឹក ដែលស្ថិតនៅខាងត្បូងស្ពានហាលជំនួសវិញ ដើម្បីបញ្ជៀសនូវហានិភ័យ ដោយសារជួសជុល។

គួរបញ្ជាក់ដែរ គម្រោងបិទចរាចរណ៍ស្ពានហាល គឺដើម្បីអនុវត្តន៍គម្រោងជួសជុលប្រាសាទអង្គរវត្តឡើងវិញ ដែលដំណាក់កាលទី ១ ធ្លាប់បានធ្វើឡើងកាលពីឆ្នាំ ១៩៩៦ ដល់ ឆ្នាំ ២០០៧ ហើយដំណាក់ទី ២ នេះ អាចនឹងចាប់ផ្តើមនៅឆ្នាំក្រោយ នឹងបញ្ចប់នៅឆ្នាំ ២០២០៕

15289116_649359468604318_3021341488386072574_o 15259710_649359431937655_2493175080219526285_o 15259439_649359471937651_7759479609287431900_o 15168913_649228655284066_2057962676413713304_o 15167677_649359438604321_2632046515563088920_o

មតិយោបល់